Page 342 - Дүпсүн сирэ

Айылҕа кыһарҕанын — хорсун үлэнэн
1976 с. Дүпсүҥҥэ эргиэн тэрилтэтигэр үлэлии сылдьан, «Дүпсүн» совхозка
хаһаайыстыбаннай чааска директоры солбуйааччынан үлэлии барбытым. Сов­
хоз директорынан Готовцев В.А. үлэлиирэ. Ити иннинэ «Октябрь» холкуоска
биир кэмҥэ ревизионнай комиссия председателинэн талыллан үлэлээбитим.
Онон тыа хаһаайыстыбатын үлэтин билсибит буолан, син удумаҕатыыр этим
диэххэ сөп.
«Дүпсүн» совхоз сүрдээх киэҥ, 5 нэһилиэктээх этэ. Урукку Дүнсүн улууһун
бүтүннүү кэриэтэ хабара. Отделениелары таһынан Бээди, Остуойка диэн учаас-
тактар бааллара. Онон совхоз 5 отделениелаар, 2 учаастактааҕа. Совхозка кы-
лаабынай специалистар үксэ урут холкуоска үлэлээбит специалистар этилэр.
Отделениелар төһө да ыраах олордоллор, телефонунан сибээһи таһынан, рация-
нан күн аайы быһа сибээстэһэ олорор буолан, салалта оперативнай этэ. Хайа
отделениеҕа ыарахан балаһыанньа тахсар да тута биллэн, туоратыллан иһэрэ.
Мин үлэм эргимтэтэ сүиньүнэн таһаҕастааһын — сүөһүнү эбии аһылыгынан
хааччыйыы, социальнай объектары көрүү, үлэһиттэри спецтаҥаһынан, ма-
тырыйаалынан хааччыйыы уонна производственнай объектар киирэллэрэ.
Онон, күннэтэ аалсар дьонум киин аппараат гараһын үлэһиттэрэ — суоппар-
дар, трактористар этилэр. Төһө да үчүгэй усулуобуйа суоҕун иһин, техника
үлэһиттэрэ ону аахсыбакка үтүө суобастаахтык үлэлииллэрэ. Киин аппараат
суоппардара Олесов В.А., Алексеев А.И.-Тиэтэйбэт, Сивцев А.А.-Молодой,
Яковлев В.П., Алексеев В.И., Алексеев И.И., Пермяков В.М., Сергеев Инн.
Инн., чахчы сүрэхтээх, сылайар-элэйэр диэни билбэт, тохтообот, эдэр-чэгиэн
үлэһиттэр этилэр. Гараж, мастерской гөһө да тымныытын, угаардааҕын иһин,
онтон иҥнибэккэ өрөмүөннэнэ, көрүнэ охсон, ыраах Большой Невер, Золо-
тинка курдук рейстэргэ барыы былдьаһык буолара.
Трактористар Гоголев Р.П., Соловьев А.А., Илларионов Д.В., Соловьев
И.Е., Федоров С.П., Молокотин В.Н. кыһынын от-мас тиэйиитигэр Дүпсүн
бары объектарын хааччыйаллара, тутуу маһын таһаллара, алдьанан туруу дэн н э
буолара. Аҕа дойду сэриитин кыттыылааҕа Гоголев Р.П., Соловьев А.А., Моло­
котин В.Н. үлэҕэ үрдүк көрдөрүүлэрин иһин ССРС Верховнай Советын үрдүк
наҕараадатын ылбыттара.
Совхоз аппаратын үлэһиттэрэ үгүстэрэ эдэр, түмсүүлээх дьон этилэр. Өрө-
бүл күннэргэ совхоз отделениеларыгар үгүстүк тэриллэр субуотунньуктарга
бары үөрэ-көтө кытталлара, аккаастанар киһи суоҕа билигин саныахха үчүгэй.
Саамай кыһалҕалаах кураан дьыл 1978 с. этэ. От үүммэтэҕэ, аһыҥка турбута.
От ыйын ортотун диэки миэстэҕэ сыл тахсар от кэлбэт чинчитэ биллибитэ,
ол иһин атын сиртэн оттуур сир көрдөһөр наадата тирээбитэ. Чугас эргин
балаһыанньа эмиэ мөлтөҕө, онон ыраах Кэбээйиттэн көрдөһөргө тиийбиппит.
Совхоз дирекцията миигин уонна звеновод буолуохтаах Д.М.Ефимовы Кэбээ-
йи оройуонугар «Мукучу» совхозка командировкалаабыта. Дмитрий Михайло-
вичтыын «Мукучу» совхозка тиийэн, директор Саввинов Егор Ивановичтыын
кэпсэтэн, Мастаах отделениетыгар сир көрө барбыппыт. Суол-иис суох дойдута
буолан, 30 км сири сатыы баран «Мастаах» управляющайа Алексеев Василий
306