Page 343 - Дүпсүн сирэ

Николаевичтан дулҕата быһыллан престэммит, икки улахан үрэх тардыыларын
кэрийэн көрдүбүг. Совхозка телеграмма ыытан дьон ыллардыбыт. Маҥнай 20
киһи кэллэ, Найахыттан үгүстэрэ оскуола оҕолоро: 1 дьааһык дьэбиннээх хо-
туурдаахтар уонна туох да оттуур тэрил суох. Тутуу үлэһиттэрин көмөлөрүнэн 3
күн хотуур оҥостон охсубутунан бардыбыт. Мастаахтан 1 сүөһүнү ылан идэһэ
оҥоһуннубут. Кэлин совхоз сылгыга зоотехнига Федоров М.М. элбэх киһилээх
кэлэн уонна Дьокуускайтан 30-ча студент кэлэн, оттооһун күргүөмнээхтик
саҕаламмыта. Онно тутуу үлэһиттэрэ Ефимов Д.М., Сивцев А.И., тракторист
Илларионов Д.В., Федоров М.М. буолан, ити оттуу тиийбит биригээдэни
бэрт үчүгэйдик үлэлэтэн 300 т оту ылбыттара. Онно 250 сүөһү кыстаан, саас
этэнҥэ кэлбитэ. Оччотооҕуга итинник ыраах сиргэ элбэх сүөһүнү энчирэп-
пэккэ сыл таһаарыы манан аҕай үлэ буолбатах, туһугар үгүс эрэйи-кыһалҕаны,
элбэх үлэни эрэйэр үлэ, хорсун быһыы диэххэ сөп. Ити айылҕа кыһайыытын
хорсун үлэнэн туоратыы биир көстүүтэ. Оччотооҕу совхоз салалтатын, бары
отделениелар салайааччыларын, үлэһиттэрин, үлэҕэ-хамнаска үрдүк эппиэ-
тинэстэрин, сыһыаннарын биир үтүө, умнуллубат туоһута буолан, оччотооҕу
үлэлээбит дьон өйүгэр-санаатыгар хааллаҕа. Онон үлэҕэ-хамнаска, олоххо
көрсүллэр бары ыарахаттары бүтүн коллективынан, нэһилиэгинэн түмсүүлээх
эрэ буоллахха, кыайыахха, барыны быһаарыахха сөп.
Кондрат Иннокентьевич Исаков, улэ, тыыл ветерана

Техника күүһүн муҥутуурдук туһаныы сыллара этэ
«Дүпсүн» совхоз тэриллиитин саҕана, мин «Коммунизм» холкуоска кылаа-
бынай инженеринэн үлэлиир этим. 1974 сыллаахха республикаҕа биир бөдөн
хаһаайыстыба, «Дүпсүн» совхоз, 5 отделениелаах, 2 биригээдэлээх Дүпсүҥҥэ
кииннэнэн тэриллибитэ. Оччотооҕуга райком, совхоз директора И.В.Бурнашев
специалистары кытары кэпсэтэн, үлэ көрүҥнэринэн анаталаабыта. Совхоз от-
делениеларыгар элбэх трактор, массыына, т/х араас маркалаах холбонор мас-
сыыналара бааллара. Отделениеларга сүөһүнү иитии, бурдугу, хортуосканы
үүннэрии, тутуу таһынан оскуолалары, араас тэрилтэлэри хааччыйыы үлэлэрин
ыыталлара. Ити сылларга техника тыа сиригэр күүскэ туһаныллар этэ. Ол кур-
дук хас биирдии отделениеҕа 5—10 диэри «ДТ» маркалаах, 20-тэн тахсалыы
«МТЗ—16» маркалаах трактордар, молоковоз, водовоз, грузовой массыыналар
бааллара. Маны таһынан совхоз киинигэр автопарка тэриллибитэ. Онно 20-
тэн тахса араас маркалаах грузовой массыыналар түмүллүбүттэрэ. Бу техника
үлэтин, өрөмүөнүн, кадрдарынан хааччыллыытын, ону тэҥэ хотон ыарахан
үлэтин механизациялааһыны, саппаас чааһы булууну сүрүннүүр үлэни миэхэ
биэрбиттэрэ.
Маҥнай утаа, өрөбүл күн диэн аахсыбакка, отделениелары кытта миэстэти-
гэр тиийэн техникалары корон, олохтоох механизатордары кытта кэпсэтэн хай­
дах техниканы көдьүүстээхтик туһаныыны ситиһэр соруктары туруорбуппут.
Ол кэмн э бары да трактористар үлэ диэн баран икки хараҥаны ыпсарар үлэһит
дьон этилэр. Онон олохтоох механиктарга кэмигэр техниканы кордорор уонна
307