Page 352 - Дүпсүн сирэ

Парткомунан аҕыс сыл

«Коммунизм» холкуоска партком секретарынан улэлии олордохпуна, 1974 с.
атырдьах ыйын 3 күнүгэр ССКП райкомугар I секретарь С.С. Аржаковка
ыҥырдылар. Холкуос председателэ Петухов П.Н. киирбит. РСФСР Минис-
трдэрин Советын уурааҕа таҕыста, «Саха сирин холкуостара бары совхоз буо-
лаллар» диэн Степан Стапанович иһитиннэрдэ. Аны ким, ханна үлэлии барыан
баҕарарый диэтэ. Петр Николаевич «Партизан Заболоцкай» совхозка үлэлиэм
этэ диэбитин утарбата. Мин оскуолабар төннүөм диэбитим. Ону быһаччы
ССКП райкома быһаарыа диэн буолла. Аҕыйах хонон баран, Степан Степано­
вич ыҥыран ылан: «Сан а тэриллэр «Дүпсүн» совхозка партком секретарынан
аныахпытын баҕарабыт, ону туох диигин?» — диэтэ. Специалист буолбатах-
пын, партийнай үөрэҕим суох диэн аккаастаабыппын дьиэк киллэрбэтэ, бюро
быһаарыа диэн буолла. Атырдьах ыйын 8 күнүгэр бюроҕа корон, партком сек­
ретарынан туруорарга уураах таҕыста. Тута баттаһан, биэс нэһилиэк Дүпсүн,
Өнөр, Найахы, Өспөх, Чэриктэй, ону таһынан Бээди биригээдэтин комму-
нистарын уопсай мунньаҕар 160 тахса коммунист биир санаанан куоластаан,
партком секретарынан талан кэбистилэр. Тыа хаһаайыстыбатын Министер-
ствотыттан, т/х управлениетыттан холбоһор икки холкуостан представител-
лээх партия райкомунан тэриллибит хамыыһыйа сири-уоту, техниканы, сүөһү
төбөтүн, бэл быатыгар-туһаҕар тиийэ, 1 ый иһинэн ааҕан-суоттаан сан а совхоз
баайын-дуолун холбоон, чөкөтөн бүтэрбитэ. Ити эттэххэ дөбөҥ, аны санаатах-
ха улахан үлэ дөбөҥнүк бүппүт эбит. Совхоз директорынан «Октябрь» холкуос
председателэ Бурнашев Иван Васильевич, рабочком председателинэн ити хол­
куос парткомун секретара Захаров Дмитрий Никитич анаммыттара. Комском
секретарынан Румянцева Евдокия Егоровна талыллыбыта. Совхоз 90-тан тахса
киһилээх салайар аппараатын сүүмэрдээһин үлэтэ, дирекция уонна партком
иннигэр турбута. Ити да үлэ сыһыллыбакка-соһуллубакка кэмигэр бүппүтэ.
Совхоз сиринэн, сүөһүтүнэн, үлэһит илиитинэн оройуоҥҥа «Лена» кэннит-
тэн 2-с улахан хаһаайыстыбанан буолбута. Үлэҕэ-хамнаска урукку көлүөнэ, са-
лайааччылар, сэрии, үлэ ветераннара улахан күүс-көмө, сүбэ-ама буолаллара:
Найахыга Сивцев С.К., Өнөргө Сергев Н.М., Өспөххө Еотовцев Н.И. уонна да
атыттар. Орто звено салайааччыларыттан производство дьин нээх командирда-
ра, үлэлэригэр муҥура суох бэриниилээх салайааччылар үүнэн тахсыбыттара.
Кинилэр истэригэр Босиков Н.Д. — управляющай, Сивцев А.А. — биригэ-
дьиир, Алексеев И.И. — механик, Сивцева Т.К. — биригэдьиир уо.д.а., хас
биирдиилэрэ совхозка эрэ буолбакка, оройуон кытта киэн туттар коммунистара
этилэр. Производствоҕа быһаччы үлэлиир коммунистар атыттарга холобур буо-
лардыы таһаарыылаахтык үлэлээбиттэрэ. Найахыттан осеменатор Фомина Т.Е.
Үлэ Албан Аата уордьан II, III степеннэрин кавалера, Кривошапкин Н.А. — трак­
торист IX пятилетка ударнига, Дүпсүнтэн тракторист Молокотин В.Н. Үлэ Албан
Аата III ст. уордьан кавалера, ыанньыксыт Жиркова М.Е. пятилетка ударнига,
Өспөхтөн ыччат сүөһүнү төлөһүтээччи Константинова В.Е., Дүпсүнтэн бороон
көрөөччү Соловьев Н.Н. «Бочуот Знага» уордьан кавалера уо.д.а.
Сылын аайы совхоһу кытта дуогабардаһан, стипендияланан, Дьокуускай-
316