Page 356 - Дүпсүн сирэ

вич үлэлиир кэмигэр өтөрүнэн оттоммотох элбэх от оттоммута. Оройуон совхоз-
тарыттан саамай элбэх тонна от былааннааҕын үрдүнэн бастакынан «Дүпсүн»
совхоз толорон, «Москвич» массыына фондатынан наҕараадаламмыта. Отчут-
тар икки ардыларыгар социалистическай куоталаһыылар үчүгэйдик бараллара.
Элбэх, хаачыстыбалаах оту оттообут звеноларга декада ахсын харчынан би-
риэмийэлэр бэриллэллэрэ. Кини үлэһиттэри үлэҕэ көҕүлүүр балаһыанньалары
саталлаахтык оҥороро. Куоталаһар звенолар анал кыһыл муннуктаах, ааҕар
хаһыаттаах, кинигэлээх буолалларын ирдиирэ. Ол иһин бары звенолар хонуу-
тааҕы отууларын оҥоһуута олус үчүгэй буолара.
Дьон өйүгэр-санаатыгар хаһан да умнуллубат биир бэлиэ түгэнинэн Инно­
кентий Васильевич Дүпсүҥҥэ Дьөһөгөй ыһыаҕын тэрийэн ыыттарбыта буолар.
Биир дойдулаахпыт Саха Республикатын үтүөлээх артыыһа Федоров Афанасий
Семенович Дьөһөгөй ыһыаҕын тэрээһинигэр олохтоохторго күүс-көмө, сүбэ-
ама буолбута, ыһыах ыытыллар хаамыытын оҥорбута. Ыһыах аһыллыытын
сахалыы алгыһын, сиэрин-туомун Саха АССР народнай артыыһа Алек­
сеев Николай Тимофеевич толорбута. Дьөһөгөй ыһыаҕар сиэр-туом барыта
тутуһулларыгар Иннокентий Васильевич улахан суолтаны биэрэн, атыырдаах
биэ, элбэх кулунчук, симэхтээх аттар сэргэлэргэ баайыллыбыттара. Ыһыахха
дьон-сэргэ санаата кэлэн, олохтоох нэһилиэнньэ барыта, кэлии да ыалдьыттар
сахалыы таҥастаах киирбитэ көрүөххэ кэрэ этэ.
Иннокентий Васильевич 90-с сылларга СР Тыатын хаһаайыстыбатын ми-
нистрин бастакы солбуйааччынан, «Якутагропромстрой» холбоһук генераль-
най директорынан, СР Президенин уонна правительствотын дьаһалтатын
иһинэн « 2 0 0 0 үтүө дьыала» хамсааһын управлениетын начальнигынан
үлэлээбитэ. Онтон 2003 сылтан «Уус Алдан улууһа (оройуона)» муниципаль-
най тэриллии дьаһалтатын баһылыгынан үлэлиир. Кини Российскай Федера­
ция үөрэҕириитин туйгуна, СР норуотун хаһаайыстыбатын үтүөлээх үлэһитэ,
Дүпсүн нэһилиэгин Бочуоттаах олохтооҕо.
Иннокентий Васильевич билиҥҥи ырыынак үйэтигэр сөп түбэһэр киэҥ
билиилээх-көрүүлээх тыа хаһаайыстыбатын бары салаатыгар, тутууга дэгиттэр
талааннаах, мындыр өйдөөх, үтүө-мааны майгылаах улуус баһылыга, бар дьо-
нугар ытыктанар дьоһун киһи.
Иван Парфирьевич Федоров,
Дүпсүн нэһилиэгин Бочуоттаах гражданина, үлэ ветерана

Аҕа туттубут дьонум
Бочкарев Илья Сергеевич 1941 сыллаахха, 28 саастааҕар, Аҕа дойду Улуу сэ-
риитигэр ыҥырыллан барбыта. Уоттаах сэрииттэн Кыайыы көтөллөнөн, 1946
сыллаахха төрөөбүт дойдутугар элбэх бойобуой уордьаннаах, мэтээллээх эргил-
либитэ. Кэлээт да тута «Үүнүү» холкуос председателинэн үлэтин саҕалаабыта.
Холкуос председателиттэн саҕалаан бөдөҥсүйбүт Ленин аатынан холкуос
председателин солбуйааччынан, оҕуруот биригээдэтин биригэдьииринэн, сыл-
гы табаарынай ферматын сэбиэдиссэйинэн, холкуос ревизионай комиссиятын
председателинэн, Дүпсүн нэһилиэгин ситэриилээх комитетын председате-
320