Page 384 - Дүпсүн сирэ

тахсан үлэлээбиттэрэ. Ол курдук, совхоз тутуутун салайбыт А.М.Копырин рай­
совет председателин бастакы солбуйааччытынан, кэлин республика тыатын
хаһаайыстыбатын министрин тутууга солбуйааччынан, ити министерство ту­
тууга, социальнай, инвестиционнай политикаҕа департаменын управлениетын
салайааччытынан 17 сыл устата үлэлээбитэ. Биһиги саҕана тутуу маастарынан
үлэлээбит, кэлин оройуон биир совхоһун тутууга салаатын салайбыт Ховров В.И.
тыа хаһаайыстыбатын министерствотын тутууга салаатын эппиэттээх үлэһити-
нэн үлэлиир. Оттон совхоз биир кылаабынай специалиһа Сивцев Г.Г. «Сель­
хозтехника» холбоһук управляющайынан, совхоз директорынан, «Саха фермер»
президенинэн үлэлээбитэ, билигин Тыа хаһаайыстыбатын министерствотын
үлэһитэ. Свешников И.Д. «Сельхозтехника» управляющайынан, Федоров О.Ф.
партком секретарынан, тыа хаһаайыстыбатын оройуоннааҕы управлениетын
начальнигынан, Горохова В.Н. ити управление кылаабынай агрономунан,
Прибылых В.С., Нафанаилов П.П. нэһилиэк советын председателлэринэн өрө
таһаарыллыбыттара. «Дүпсүн» отделениетын управляющайа Максимов А.М.
Өймөкөөн оройуонугар «Дружба» совхоз директорынан үлэлии сылдьан суол
авариятыгар түбэһэн хомолтолоохтук өлбүтэ. Өрө таһаарыллан үлэлии барбыт
үлэһиттэри алын сүһүөх специалистар солбуйан испиттэрэ. Совхоз партийная
тэрилтэтигэр улахан көмөнү совхоз комскома уонна профкома оҥороллоро.
Ити комитеттар оройуоҥҥа саамай элбэх ахсааннаах тэрилтэлэрин салайал-
лара. Профком председателинэн Оконешников Н.А., Охлопков И.Г., комском
секретардарынан Ушницкая Л.С., Иванов Д.И., Иванова П.Э. үлэлээбиттэрэ.
Совхоз салалтатынан улахан болҕомто сүөһү аһылыгын туруктаах база-
тын тэрийиигэ, материальнай-техническэй базаны бөҕөргөтүүгэ, үлэһиттэр
олорор-үлэлиир усулуобуйаларын тупсарыыга ууруллубута. Элбэх сыллаах оту,
күөх үүнээйини, рапсы ыһыы иэнэ кэҥэтиллибитэ. Улахан объемнаах сиилэс
омуһахтара оҥоһуллубуттара. Оттуур ходуһалары ыраастааһын, бүтэйдээһин
үлэлэрэ киэҥник ыытыллыбыттара.
Хас отделениелар, биригээдэлэр ахсын механизациялаах улахан сан а хотон-
нор, олорор дьиэлэр тутуллубуттара. Ол курдук холобура, «Дүпсүн» отделение-
тыгар 600 сүөһү киирэр толору механизациялаах, эбии аһылыгы онорор сыах-
таах, сүөсүһүт дьиэлээх, улахан подсобкалаах хотон тутуллан үлэҕэ киирбитэ.
Итинник дьону-сэргэни биир сыалга-сорукка түмэр түгэнинэн оройуон са-
лалтата, совхоз специалистара уонна үлэһигтэрэ 1984 сыл олунньу 4 күнүгэр
буолбут киэн' ын ырыылаах аһаҕас уопсай партийнай мунньаҕы аахпыттара. Бу
мунньах «Ааҕан-суоттаан үлэлиэххэ» диэн девиһинэн барбыта. Мунньахха киэҥ
кэпсэтии тахсыбыта, хас да сыллаах программа быһыытынан улахан уураах
ылыллыбыта. Итинтэн ылата бары таһымҥа ааҕан-суоттаан үлэлии сатааһын
саҕаламмыта, оннук көрдөбүл совхоз салалтатын өттүттэн турар буолбута.
Итинник дьаһаллар түмүктэригэр совхоз көрдөрүүлэрэ өрө тахсан ис­
питтэрэ. 1984 сыл түмүгүнэн совхоз бэйэтин историятыгар аан бастаан ба-
рыстаахтык үлэлиир хаһаайыстыба буолбута. Ити сыл көрдөрүүтүнэн совхоз
оройуон хаһаайыстыбаларын социалистическай куоталаһыытыгар бастаан
көһөрүллэ сылдьар Кыһыл Знамянан наҕараадаламмыта. Ити кэмтэн ылата
оттооһун былаана сылын ахсын толоруллара эбэтэр аһара толоруллар буолбу-
348