Page 428 - Дүпсүн сирэ

тиилээх, сыра-сылба бөҕөнөн үлэлэммитэ. Тутуу маһын соҕотуопката бүттүүн
холкуостаахтар турунан үлэлээһиннэрин түмүгэ этэ.
Оскуола тутуутун тэрийэр комитет председателинэн оскуола завхоһа Копы-
рин Степан Николаевич ананан үлэлээбитэ.
Биригээдэ састаабыгар маннык дьон үлэлээбиттэрэ:
Алексеев Савва Максимович
Новгородов Иван Николаевич
Федоров Василий Авдеевич
Сивцев Василий Иванович-Аччыгый Баһылай
Свешников Афанасий Афанасьевич
Спиридонов Куприян Петрович (Чэриктэй)
Федоров Петр Петрович (Өнөр)
Лыткин Егор Данилович (Өнөр)
Соловьев Андрей Петрович (Чэриктэй) — маастар
Окоемов Семен (Сыырдаах)
Борисов Николай (Кэптэни)
Белолюбскай Михаил Михайлович (Баатаҕай)
Федоров Парфирий Андреевич
Сивцев Семен Маркович (Найахы)
Федоров Иван Парфирьевич — сайын устата үлэлээбитэ.
Прибылых Марк Тимофеевич — быстах кэмҥэ акылаат маһын суоруутугар
үлэлээбитэ.
Шелковников Роман Михайлович (Дабаадыма).
Тутууга анаммыт бастакы прораб (атын сиртэн кэлэн үлэлээбитэ) акылаат
баҕанатын үүтүн чертежтан сыыһа хастарбытын иһин уураппыттара. Онтон
Найахы МТС-гар элбэх тутууну туппут Гоголев Михаил Петрович-Москуо Мэ-
хээлэтин ыныран ылбыттара. Москуо Мэхээлэ Дүөндүгэ бастакы икки мэн-
диэмэннээх оскуоланы туттарбыт киһи буолар. Кини сан а тутуллар оскуоланы
урукку оскуола оннугар тутарга быһаарбыта. Оскуола акылаатын баҕанатын
үүтэ түһэриллибитэ, баҕана үүтүн 2 метр дириҥ тына хаһыллыбыта. Оскуо­
ла акылаатыгар таһыллыбыт бэрэбинэлэри, тутуу биригээдэтэ бэйэтэ эриэннээн,
суоран, түөртэ эргийэн баран хара муосталаабыттара уонна муоста баалкытын
түһэрэн, ыам ыйыттан үрүҥ истиэнэтин харыйа бурууһунан тутан барбыттара.
Оскуола туох баар ааннарын, түннүктэрин холуодалара, араамалара Уус
Алдан оройуонун промкомбинатыгар сакааһынан оҥоһуллан кэлбиттэрэ. От
ыйыгар аллараа мэндиэмэн көндөйө бүппүтэ. Ааннарын, түннүктэрин холуо-
даларын олордуу үлэтин барытын сүгэнэн суоруллан, тыллаан олордуллубута.
Алын мэндиэмэн өһүөлэрин икки ардыларыгар 12 см халыҥнаах гына би-
ринтиис мае саайан, үрүт тэлгэтиллибитэ. 10 см халыҥнаах хойуу бадараан
оҥорон сыбаабыттара. Хата илигинэ үрдүгэр буор кутан хаҥатыллыбыта.
Иккис мэндиэмэн көндөйө балаҕан ыйыгар бүппүтэ. Үөһээ мэндиэмэн хо­
луодалара, түннүктэрэ оҥоһуллубуттара. Иккис үрүт эмиэ алларааҥҥы курдук
үлэлэммитэ, бадараанынан сыбаммыта, буордаммыта. Икки мэндиэмэннээх
оскуола түннүгүн тааһын Готовцев Василий Андреевич-Уус Бааска быспыта.
Уус Бааска олус үчүгэйдик хотор алмаастаах этэ. Бэйэтэ да киһиттэн таһыйа
368