Page 431 - Дүпсүн сирэ

Советын Президиумун Бочуотунай грамотатынан, «В.И.Ленин төрөөбүтэ 100
сылын бэлиэтээн. Килбиэннээх үлэтин иһин» мэтээлинэн, 1965 сыллаахха
РСФСР үөрэҕин туйгуна бэлиэнэн наҕараадаламмыта. Киэҥ, дириҥ билии-
ни үөрэнээччилэргэ иҥэрэр, история предметин үөрэтии ньыматын уһулуччу
баһылаабыт, төрөөбүт кыраайга тапталы, кини историятынан киэн туттууну
иитэр оҕо-аймах, дьон-сэргэ убаастыыр, ытыктыыр учууталыгар Иванов Дми­
трий Андреевичка 1974 сыллаахха РСФСР оскуолаларын үтүөлээх учууталын
бочуоттаах аата иҥэриллибитэ. Дмитрий Андреевич Дүпсүн орто оскуолата
сайдарыгар, ыччаттара үөрэхтээх, үлэһит дьон буолан тахсалларыгар олоҕун
барытын анаабыт киһи буолар.
Марфа Ивановна Ховрова

Бүгүн да махтана саныыбын
Анастасия Николаевна Ушницкая курдук пединституту 1952 сыллаахха
бүтэриэҕиттэн, 1988 сылга пенсияҕа тахсан бочуоттаах сынньалаҥна олоруор
диэри, түөрт уонча сыл кэриҥэ Дүпсүнтэн харыс да халбарыйбакка оскуо-
ла иитэр-үөрэтэр үлэтин таһыма бириэмэни кытта тэҥҥэ үүнэн-үрдээн, би-
лии хаачыстыбата тупсан иһэрин туһугар өйүн-сүрэҕин биэрэн дьиҥ-чахчы
ситиһиилээхтик, айымньылаахтык үлэлээбит педагог-салайааччы баар да
буоллаҕына, тарбахха баттанар, сэдэх буолуохтаах дии саныыбын. Анастасия
Николаевна курдук чаҕылхай талааннаах педагогу, тэрийээччини, салайааччы-
ны оччотооҕу оройуон салалтата хаста-хаста Мүрүгэ киллэрэ, партийнай үлэҕэ
өрө таһаара сатаабытын оннооҕор биһиги, оскуола оҕолоро элбэҕи истэр, би-
лэр этибит. Бэл, партия райкомун бюротугар киллэрэн, тылларын ылыннар-
батах этилэр. Оннук чиҥ, оннук кытаанах характердаах, эппитин энчирэппэт
киһи буоллаҕа эбээт, биһиги учууталбыт, Дүпсүн дьиҥнээх патриота Анастасия
Николаевна Ушницкая. Күн-дьыл ааспытын кэннэ эргитэ санаан көрдөххө,
Анастасия Николаевна уонна кинини кытта уһун сылларга сарын-сарынтан
өйөһөн-өйдөһөн, уонунан ааҕыллар бэйэлэрин идэлэрин баһылаабыт энтузиаст-
педагогтар түмсэн үлэлээбит-хамсаабыт буоланнар, Дүпсүн орто оскуолатын
албан аата, суон сураҕа республиканы уҥуордаан, биир кэмҥэ Россияҕа тии-
йэ биллибитэ диэтэххэ омуннааһын буолуо суоҕа диэн итэҕэйэбин. Биир ты-
лынан эттэххэ, Дүпсүн орто оскуолатыгар айымньылаахтык үлэлиир педаго-
гическай коллектив төрүтэ ууруллан, уонунан сылларга чочуллуутугар уонна
бэйэтэ тусна суолу-ииһи тобулан, күн бүгүн педагогическай хайысханы талан
ылыытыгар Анастасия Николаевна үөрэх чааһын сэбиэдиссэйин быһыытынан
кыһамньыта, үөрэтиитэ-такайыыта кырата суох оруолу ылбыт буолуохтаах.
Оттон Дүпсүн эҥээр сэттэ нэһилиэк ыччата үөрэхтээх, үлэһит дьон буолан
үүнүүлэригэр-сайдыыларыгар төһөлөөх үтүөлээҕин-өнөлөөҕүн ааҕан да ситэр
уустук. Ону арай бэйэм бииргэ үөрэммиттэрим холобурдарынан ааҕааччыбар
билиһиннэрдэхпинэ, баҕар, хабаатыннаран да буоллар өйдүө, ылыныа дии са­
ныыбын.
1960—1961 үөрэх сылыгар ахсыс кылааска Найахы, Өнөр, Чэриктэй, Өспөх
371