Page 486 - Дүпсүн сирэ

миэстэ буолбута. Мюнхеҥҥа ити көрдөрүүтүн хатылаабыта. Ити олимпийскай
сылларга эрэ Европаҕа туһуннарбыттар. Онуоха иккиэннэригэр үрүн көмүс
мэтээллэргэ тиксибит. Дьэ ити үлүгэрдээх бөҕөстүүн тоҕус мүнүүтэ тустан
Уйбаан тэҥнэһэн тахсыбыта. Иккис эргииргэ Тбилиситээҕи турнирга икки
төгүл бастаабыт, туста үөрэммит Давид Мушагяны 3:2 кыайан соһуппута. Ол
кэннэ Союз чулууларыгар ыар тыыннаммыт ити түһүлгэҕэ Павел Малянныын
эрэ тэҥнэспит, атыттары барыларын хоппут, иранец Абдул Багердыын тэбис-
тэҥҥэ тиниктэһэн баран, бүтэһик мүнүүтэҕэ бүдүрүйэн, эргиттэрэн кэбиһэн
эрэ сабырыйтарбыта. Итинэн Иван Соловьев «аан дойду аччыгый чемпиона-
тыгар» IV буолбута.
Иван сиртэн силистээххэ дылы бигэ тирэхтээҕэ. Үс тустууга: көҥүлгэ —
ССРС, буряттыыга — РСФСР, хапсаҕайга — САССР спордун маастара, «Уро­
жай» ДСО бочуоттаах чилиэнэ, РСФСР спордун ветерана, Манчаары Баһылай
бирииһигэр үс төгүл бастаабыта, буряттыы тустууга Дальнай Востокка икки
төгүл чулуу буолбута. Ону таһынан үстэ бириистээх миэстэ иһигэр киирбитэ.
Күрэхтэһэрин, эрчиллэрин таһынан обтцественнай үлэҕэ кыттара, сельсовет
депутатынан талылла сылдьыбыта. Сааһырдар даҕаны, эдэр тустууктарга албас-
тары көрдөрө сылдьар. Дүпсүнтэн кэлин кини тэлбит суолунан таҕыстылар:
маастардар Иннокентий Сыроватскай, Александр Стрекаловскай, хапсаҕайга
республика хас да төгүллээх абсолютнай чемпиона Андрей Яковлев, уолат-
тарга аан дойду кыһыл көмүс мэтээлин хаһаайына Дима Михайлов уо.д.а. От­
тон уола, спорт маастара Ивамар Соловьев сүрэхтэниитэ да мээнэ буолбатах.
И.Е.Соловьев улахан дьиэ кэргэн аҕа баһылыга. Оҕолоро бары атахтарыгар
чинник туран, төрөппүттэрин үлэҕэ уонна спорка олохторун чиэстээхтик
салгыыллар. Улахан уола Еоша көҥүл тустууга маастарга кандидат этэ. Кини
оскуолаҕа үөрэнэ сылдьан республикаҕа иккитэ бастаабыта. Оттон Ивамар
көҥүл тустууга уонна хапсаҕайга спорт маастара. Онон Уйбаан бэйэтин олорон
кэлбит олоҕунан ыччаттарыгар, бар дьонтго чэгиэн-чэбдик, чел олох холобурун
көрдөрөр. Кини эдэр сааһыгар күүстээх тустуугун таһынан сценаттан түспэт
артыыс диэн үөлээннээхтэрэ кэпсииллэр. Түөлбэнэн үлэҕэ көхтөөхтүк кыттан,
тэрийээччи, көҕүлээччи быһыытынан сылдьар. Тустар үөрүйэҕин билигин да
ыһыктар санаата суох, ыһыахтарга саастыылаахтарын кытта хапсаҕайдаһан,
сырсан, эдэр сааһын кэрэ кэмнэрин эргитэр. Ол курдук алта уон сааһыгар
сылдьан, 2004 сыл кулун тутар ый сан атыгар, Н.Н.Тарскай төрөөбүтэ 80 сылы-
гар уонна Бороҕоҥҥо сан а спортивнай комплекс үөрүүлээхтик аһыллыытыгар
анаммыт ветераннар ортолоругар хапсаҕайга күрэхтэһиилэригэр эдэр сааһыгар
уруккуттан эрийсэр киһитэ, самбоҕа аан дойду чемпиона Николай Алексеевы
астыктык кыайан, чемпион үрдүк аатын ылбыта итиэннэ биир дойдулаахтарын
сүрдээҕин үөрдүбүтэ. Уопсайынан бу түһүлгэ киниэхэ үс төгүл үөрүүлээх буол­
бута, бэйэтэ чемпионнабытын таһынан, СР Президена В.А.Штыров ыйааҕынан
«Еражданскай килбиэн» диэн үрдүк бэлиэнэн наҕараадаламмыта итиэннэ уола
Ивамар Соловьев эр дьон күрэхтэһиитигэр 96 киилэ ыйааһыннаахтарга респу­
блика чемпионунан буолбута.
Дүпсүҥҥэ хас да оскуола, интернат, спортсаала умайбыттара. Анал тренер-
дэр биирдэ эмэ ананаллара. Оҕолорго өр кэмҥэ физкультура уруогун ыытар да
426