Page 482 - Дүпсүн сирэ

Димаҕа сирэйигэр мээчик эмискэ кэлэн түспүт. Онтон сылтаан уол иккис
күнүгэр «аны тустууга барбаппын» диэн аккаастана сылдьыбытын туһунан
аҕата ахтар. Ону тренер тылын ылыннаран секцияҕа төнүннэрбит.
Иккис эргиир: Дима Михайлов — А. Калоев (Туркмения). Калоев омугунан
осетин. Аан дойду чемпионатыгар кыттаары Туркмения хамаандатыгар киир-
бит бөҕөс. Видиозаписьтан көрдөххө, кини балачча саастаах, этин-сиинин туп-
пут киһи буолан биэрдэ. Хапсыһыы саҕаланаатын кытта Дима иҥнэн-толлон
турбакка, харса суох кимэн киирэр. Биир түгэҥҥэ киһитин атаҕар түһэн умса
көппүтүн судьуйа үс баалы биэрэр. Сотору утары анньыһыыга көбүөр таһыгар
үтүрүттэрбитин иһин биир баалы сүүйтэрэр. Бу чемпионакка Дима ити бас-
такы уонна бүтэһик баалы биэриитэ этэ. Ити курдук кини хапсыһыы кэми-
гэр кими да көхсүгэр, кэннигэр таһаарбатах. Онон чахчы улахан таһымнаах
тустууну көрдөрбүт. Колоевы көҕө суох тустарын иһин партерга олордубутта-
рыгар Дима «накат», «растяжка» диэн албастарынан эргитэлээн, түмүккэ 8:1
ахсаанынан лаппа баһыйа туппут.
Үһүс эргиир: Дима Михайлов балаһыанньа быһыытынан сынньаммыт.
— Бороҕоҥҥо ыытыллыбыт пресс-конференция кэнниттэн Дималыын кэп-
сэтииттэн: «Аан дойду чемпионата улахан таһымнаах күрэхтэһии буолар эбит.
Ол гынан баран мин долгуйбатаҕым. Онон тустуум табылынна быһыылаах дии
саныыбын. Индияҕа тиийэн баран сынньалаҥ кэммэр аралдьыйа сатыырым.
Өйүм-санаам барыта тустуу туһунан буоллаҕына, ыгылыйан хаалыахтаахпын
билэр этим». Ити эппитин курдук Дима спортсмен быһыытынан биир үчүгэй
өрүтэ — бу иннинэ омук сиригэр иккитэ тахса сылдьан (Иран, Турция кур­
дук тустуулаах дойдуларга) өй-санаа өттүнэн умайан хаалбакка, өссө хонно1}о
аһыллан, тахсыылаахтык тустара буолар. Ити, баҕар, кини холку майгытыттан
буолуо.
Төрдүс эргиир: Дима Михайлов — Ж. Душембаев (Казахстан). Ким кыайбыт
финалга тахсар. Степан Петрович бу казах уолун былырыын Новосибирскай-
дааҕы күрэхтэһиигэ сөбүлүү көрбүт, итиэннэ хатыһыылаах хапсыһыы буолара
буолуо диэн сэрэхэдийэ санаабыт. Онтуката баара Дима утарылаһааччытын
балтараа мүнүүтэ иһинэн 10:0 ахсаанынан кыайан, финалга улахан илистиитэ
суох тахсыбыт.
Тренер С.П.Сивцев: «Дима Михайлов кыайыыта аҥаардас тренер эрэ үлэ-
тэ буолбатах, бүттүүн республика, Уус Алдан улууһун кыайыыта. Чемпио­
накка кини хас туста тахсаары гыннаҕын аайы утарылаһааччыларыгар сөп
түбэһиннэрэн, наадалаах ыйыылары, сүбэлэри биэрбитим. Оттон финалга
киирээри турдаҕына Олимпийскай чемпион Павел Пинигин Димаҕа анаан:
«Спорт историятыгар чемпионнар эрэ киирэллэр, онон бэйэҕин харыстаны-
ма», — диэн этиитин санаппытым. Бу чемпионакка Дима кэтэнэн турбакка
тустууну бэйэтэ саҕалаан туран, кимээһиннээхтик туһунна, партерга баҕаран
туран үлэлээтэ. Онтуката кыайыыга тириэртэ...».
Бэһис эргиир: Дима Михайлов — А.Батыров (Россия). Чемпион аатын
былдьаһар хапсыһыы. Бу иннинэ кинилэр иккитэ көрсөн тураллар. Былы­
рыын Турциятааҕы турнирга кыайбыта, быйыл Россия чемпионатын фина-
лыгар Батыров хоппута. Бу сырыыга Михайлов тустар үчүгэй таһымнааҕын
4 2 2