Page 610 - Дүпсүн сирэ

Гаврильевна, Сивцев Дмитрий Львович, пекарынан Попова Елена Ивановна,
оробуочайынан Румянцев Илья Тимофеевич үлэлээбиттэрэ.
Сельпобут үс аттааҕа, Дүпсүн, Найахы, Өспөх, Чэриктэй, Өнөр, Баатаҕай
нэһилиэктэригэр сүүрбэттэн тахса маҕаһыыннааҕа. 1953 с. «Холбос» иһинэн
Чэриктэй уҥуор Благодатнай диэн саһыл фермата тэриллибитэ. Онно сельпо
саҥа маҕаһыын аспыта, сайын уунан кэлэр таһаҕас онно сүөкэнэрэ. Сэрии кэ-
мигэр сыана үрдээбитин сыл аайы кулун тутар бастакы күнүттэн түһэрии үлэтэ
барара. Үлэбит элбэх буолан түүннэри үлэлиирбит. Маҕаһыыннары үллэстэн
инвентаризация ыытарбыт. Саҥа сыананы прейскуранынан түһэрэрбит. Сель­
по үлэһиттэрэ инвентаризациялыы бөһүөлэктэринэн сатыы, атынан барар-
быт. Сыана түһүүтүгэр үлэбит олус ыарыыра. Барытын кинигэттэн көрдөөн
булаҕын, прейскурант, артикул нүөмэрэ сөп түбэспэтэ, табаар этикетка-
ларын сорох атыыһыттар быраҕан кэбиһэр этилэр. Ити сылларга үөрэхтээх
экономист, товаровед суохтара, кинилэр үлэлэрин биһиги толорорбут. Биир-
гэ үлэлээбит салайааччыларым, дьонум үлэлэригэр олус эппиэтинэстээхтик
сыһыаннаһаллара, принципиальнайдара, чуолкайдара, ханнык да итэҕэһи
кытта эйэлэспэттэрэ.
Килиэп буһарааччы Попова Елена Ивановна Дүпсүн олохтоохторун суос-
соҕотоҕун, кыһыл илиитинэн оһоҕун отгон, минньигэс килиэби астаан дьон-сэргэ
махталын ылара. Өссө биир үтүө үлэһит, бухатыырбыт Румянцев Илья Тимофее­
вич үс атынан пекарняҕа, икки марһыыҥҥа, уопсай уонна хонтуора дьиэлэрин
тыатган курумах маһы киллэрэн эрбээн, саһааннаан хааччыйара. Ону таһынан
маҕаһыыҥҥа кэлбит таһаҕаһы кини соҕотоҕун сүөкүүрэ, таһара. Бастыҥ үлэлээх
атыыһытгарбыт Дүпсүҥҥэ Сивцев Василий Захарович, Федоров Куприян Се­
менович, Остуойкаҕа Слепцова-Ушницкая Татьяна Ивановна, Найахыга Иса­
ков Владимир Иннокентьевич, Өспөххө Румянцев Дмитрий Яковлевич, Бээдигэ
Алексеев Д.М. (Мичээн оҕонньор), Алексеева Ирина былааннарын аһара толо-
роллоро, итэҕэһи таһаарбатахтара, холобурга сылдьар үлэһитгэр этилэр. Дүпсүн
сельпотыгар үлэлээбит кэмнэрбин олус истиҥник саныыбын.
Евдокия Иннокентьевна Исакова,
эргиэн, тыыл, улэ ветерана
Дүпсүн сельпотун араас сылларга салайбыттара
Сивцев Иван Афанасьевич — 1920—1921 сс.
Ильин Иван Иванович — 1930—1935 сс.
Соловьев Петр Алексеевич — 1935—1940 сс.
Ильина Анна Павловна — 1940—1950 сс.
Рожин Алексей Михайлович — 1950—1960 сс.
Гоголев Николай Саввич — 1960—1970 сс.
Ушницкай Михаил Николаевич — 1970—1976 сс.
Степанов Иван Гаврильевич — 1976—1982 сс.
Босиков Иван Петрович — 1982—1987 сс.
Алексеев Анатолий Гаврильевич — 1988—1989 сс.
Алексеев Иван Иванович — 1989—1990 сс.
526