Page 614 - Дүпсүн сирэ

Дьиэ тэрилин оҥорор «АЛЖЕН» сыах
2000 сыллаахха Бороҕоннооҕу кырыылыыр заводун иһинэн Дүпсүҥҥэ 8
үлэһиттээх учаастак тэриллибитэ. Салайааччынан хайа инженерэ уонна 5-с
разрядтаах органщик идэлээх Сивцев Евгений Сидорович үлэлээбитэ. Сыл
иһигэр 300 караттаах бриллианы кырыылаабыттара. Матырыйаал тиийбэтинэн
сыах үлэтин тохтоторго күһэллибитэ.
Бу сыах базатыгар 2002 сыл кулун тутар ыйтан Сивцев Евгений Сидорович
«АЛЖЕН» дьиэ тэрилин онорор сыаҕы аһан үлэлэтэр.
«АЛЖЕН» тэрилтэ 2003 сылтан саҕалаан республикаҕа ыытыллар араас
таһымнаах быыстапка-дьаарбаҥкаларга ситиһиилээхтик кыттар араас номина-
циялар, граннар кыайыылаахтара буолан нэһилиэгин, улууһун ааттатар.
«Дьиэ тэрилэ-2003» саҕалаан республикаҕа «Дьиэ тэрилэ» быыстапкаҕа кыт-
тан «Лучшая мебель для дома», «За оптимальное сочетание цены и качества»,
«Мебель в интерьере», «Новые технологии ремесленников», онтон да атын но-
минациялар кыайыылаахтара буолбуттара. Сивцев Е.С. улууска «Лучший на­
ставник молодежи», «Лучший предприниматель года», «Лучший меценат года»,
республикаҕа «За вклад в развитие малого бизнеса в РС(Я)», «За решение про­
блем занятости на селе» номинациялар, «Ерант Президента» хаһаайына. Евге­
ний Сидорович тэрилтэтин базатыгар 2005 сылтан «Эрэл» сайыҥҥы лааҕыры
аһан үһүс—алтыс кылаас 25 оҕотун уус мындыр идэтигэр сыһыарар, кини
үөрүйэхтэригэр бастакы олугу уурар. «Эрэл» лааҕыр республикатааҕы «Үлэ
лааҕырдара» күрэҕэр иккис миэстэни ылбыта.
«АЛЖЕН» дьиэ тэрилин оҥорор сыах күн бүгүн дьиэ тэрилин оҥорорун
таһынан офиснай мебели, оскуолаҕа, интернакка, детсадка туттуллар тэриллэ-
ри, эргэ мебели саҥардыыны, улуус уонна республика араас күрэхтэһиилэригэр
туттуллар тэриллэри оҥорон таһаарар буолла. 2008 сылтан саҕалаан Евгений
Сидорович салайар коллектива поролону бэйэлэрэ оҥорор буоллулар.
Билигин бу тэрилтэҕэ эдэр дьон кэскиллээх, инники былааннаах үлэлии-
хамсыы сылдьаллар.

«Дабаадыма» бааһынай хаһаайыстыба

Тэриллибит сыла — 1993.
Бааһынай хаһаайыстыба баһылыга — Илларионов Дмитрий Васильевич.
Үлэһит ахсаана — 10.
Сүрүн дьарыга — сүөһү, сылгы иитиитэ, бурдук ыһыыта, тутуу үлэтэ.
Сыһыарыллыбыт сирэ — 170 га,
— оттонор сирэ — 120 га,
— мэччирэҥ сирэ — 50 га,
Сүөһү ахсаана — 93,
Онтон ыанар ынаҕа — 46,
Сылгыта — 103,
онтон биэтэ — 60.
530