Page 615 - Дүпсүн сирэ

Ситиһиилэр
2004 с. — Бурдугу үүннэриигэ үрдүк ситиһиилэрин иһин тыа хаһаайысты-
батын министерствотын Бочуотунай грамотата.
2005 с. — Бурдугу үүннэриигэ үрдүк ситиһиилэрин иһин тыа хаһаайысты-
батын министерствотын Бочуотунай грамотата — Үрүҥ көмүс мэтээл.
2006 с. — Хаһаайыстыба баһылыга Илларионов Василий Макарович «Үлэҕэ
килбиэнин иһин» мэтээлинэн наҕараадаламмыта.

Хаһаайыстыба үлэтэ-хамнаһа
1993 сыллаахха совхоз ыһыллыбытыгар дьон-сэргэ чааһынай хаһаайыс-
тыба тэриммитэ. Биһиги сүбэлэһэн, аймаҕынан бааһынай хаһаайыстыба тэ-
риммиппит. Сайьшык туттубуппут, оттуур ходуһаларбытын бүтэйдээбиппит,
быраҕыллыбыт бааһынаны саҥалыы оҥорон бурдук ыһан барбыппыт.
Хаһаайыстыба сүрүн дьарыгынан сүөһү, сылгы иитиитэ буолбута. Сайын аайы
сүөһүлэрбитин илдьэ сайылыкка тахсабыт, үүт туттарабыт. Хаһаайыстыба
иһинэн «Түмсүү» диэн оҕолорбутун, сиэннэрбитин түмэр дьиэ кэргэн биригээ-
дэтин тэрийбиппит. Оҕолорбут сайын устата оҕуруоттарын көрөллөр, сибэк-
ки арааһын олордон бүөбэйдэһэллэр, сир аһын хомуйаллар, ынах ыаһаллар,
оттоһоллор. Араас саастаах сиэннэрбит бары бэйэ-бэйэлэрин көрсөн-харайсан
бары бииргэ сылдьаллар, үлэлииллэр, сынньаналлар, оонньууллар. Эбэлэрин
Анна Николаевна дьаһалынан, сүбэтинэн эмтээх оту хомуйаллар, хатараллар.
Оҕолор оту, сибэккини, силиһи хаһан, ханнык кэмҥэ хайдах хомуйары би-
лэллэр. Ийэлэрин, эбэлэрин үөрэтиитинэн айылҕа матырыйаалыттан арааһы
барытын оҥороллор. Дьиэ кэргэн биригээдэтин улахан кыыспыт, баһаарынай
этэрээт инструкторынан үлэлиир Саргьшана Васильевна салайар. Оҕолорбут
биригээдэлэрэ улуус, республика быыстапкаларыгар ситиһиилээхтик кыттан-
нар, элбэх дипломнарынан, сыаналаах бэлэхтэринэн наҕараадаламмыттара.
Дьэ, ити курдук биһиги оҕолорбутун кыра эрдэхтэриттэн үлэҕэ уһуйабыт,
үөрэтэбит.
Угут кэлэн, алаастарбыт күөллэрэ туоллулар. Биһиги күһүн аайы Мындыйа
эбэбитин муҥхалаан, балыгын атын күөллэрбитигэр көһөрөр үлэнэн дьарык-
таммыппыт балайда буолла. Бу дьарыкпыт ситиһиилээх буолан эрэриттэн ас-
тынабыт, айылҕа чөлүгэр түһэриттэн үөрэбит эрэ.
Сылгы иитиитинэн дьарыктаныыны биһирээтибит. 2002 сыллаахха Өймө-
көөнтөн кредитинэн 25 убаһаны (20 тыһы, 5 атыыр) аҕалан көрөн-харайан эрэ-
бит. 2006 сыл төрүөҕүн көрдөрүүтэ куһаҕана суох. Уолаттарым сылгы иитэргэ
анаан база тэринэр, туттар былааннаахтар. Дьиэ-уот, күрүө-хаһаа туттуохтара.
Атын сылгыһыттар үлэлэрин кытта билсэр баҕа санаалаахтар. Быйыл кыра
уолум Геннадий Васильевич сылгыһыттар Норуоттар икки ардыларынааҕы кон-
гресстарыгар кыттан, элбэҕи билэн, сылгы иитиитинэн дьарыктанар санаатын
өссө бигэргэтэн кэллэ. 2004 сылга диэри бааһынай хаһаайыстыбаны салайан
кэлбитим, билигин уолум Дмитрий Васильевич салайар. Кини 2004—2005 сыл-
ларга тыа хаһаайыстыбатын министерствотын путевкатынан Москваҕа баран
үөрэнэн кэлбитэ. Кырдьаҕаһы эдэрдэр солбуйар иэстэрэ буоллаҕа дии. Кэн-
531