Page 109 - Баһылай-Мүрү. Лена тэрээһиннээх хаһаайыстыба

астаах-үөллээх күндү күһүн кэлэн ааспытын туһунан тыа дьоно
үөрэ-көтө кэпсэтэллэрин үгүстүк истиэххэ сөп. Сүөһүнэн-сылгынан
ииттэн олорор тыа киһитэ бүгүн табыллыбакка дылы.
Бу орто бараан дойдуга олох олоро кэлбит киһиэхэ айылҕа
барахсан үтүөнү, үчүгэйи оҥороро үгүс буолаахтаатаҕа. Биһиги
айылҕа оҕолоробут, кини күнү-дьылы хайдах-туох быһыылаахтык
дьаһайарыттан быһаччы тутулукгаахпыт. Бу кэнники сылларга угут
эргиллэн күөллэр, үрэхтэр, урукку хааларын, киэптэрин
толоруннулар. Аакка-суолга киирбит саха чулуу далбар хотунунуу
кэрэ сэбэрэлэрин ылан мэндээрбит ыраас ууларыгар көрүнэн ыларга
дылылар. Оттон күөх далайдарыгар көмүс хатырыктаах элбээтэ,
уойда, төлөһүйдэ даҕаны. Тыа сирин үлэһит киһитэ онтон да маппата.
Нэһилиэк ахсын норуоднай муҥхалар тэриллэннэр, сибиэһэй эмис
балыгы амсайар дьоро киэһэлэр үксээтилэр.
Күн-дьыл кэлэрэ-барара түргэнэ сүрдээх. Номнуо сэтинньи
ый үүнэ оҕуста. Дьэ, ити курдук саҕаланнаҕа биир унньуктаах уһун
кыһыммыт. Былыр былыргыттан күн бүгүнүгэр диэри саха киһитэ
кыһыҥҥыга бэлэмнэнэн эмис эти, балыгы, арыыны, сүөгэйи
эрдэттэн хаһаанар үгэстээх. Онтон бу кэмҥэ сүөһүнэн, сылгынан
дьарыктанар тыа киһитэ хотон иһинээҕи баайын-дуолун бэринэн
көрөр; атыыга барыахтаах, ииитиигэ хаалыахтаах сүөһүтүн, сылгытын
талар, сүүмэрдиир.
Дьэ, этэргэ дылы өбүгэ саҕаттан саҕаланан кэлбит сокуоҥҥа
суруллубатах тыа киһитин төрүт сокуона. Бастакы сыа хаарга эт
тоҥор бириэмэтигэр түбэһиннэрэн тыа киһитэ байтаһын сүөһүтүн,
ийэтиттэн саҥа араарыллыбыт эмньик убаһатын идэһэлэнэр.

Ас арааһа тардылынна

Идэһэ - бу тыа киһитигэр туһугар ураты туспа бырааһынньык.
Байтаһын тиҥэһэ мөдүргэйигэр, эмис эмньик убаһа сибиэһэй
хаһатыгар тэҥнээх туох баарый?
Соторутааҕыта улуус киинигэр Бороҕон килбэйэр киинигэр
спортивнай-чэбдигирдэр комплекс таһыгар массыына арааһа
тоҕуоруйда, элбэх киһи муһунна. Бүгүн манна “И дэһэ-2007”
дьаарбаҥка-быыстапка тыа хаһаайыстыбатын управлениетын
үлэһиттэрин көҕүлээһиннэринэн бэрт тэрээһиннээхтик, киэҥ
далааһыннаахтыкыытылынна. Ахсыс төгүлүн ыытыллар үтүө үгэскэ
кубулуйбут дьаарбаҥка-быыстапканы олохтоохтор кэтэспиттэрэ
ыраатта. Буолумуна даҕаны, тыа дьонун сиэринэн бороҕоттор бу

105