Page 126 - Баһылай-Мүрү. Лена тэрээһиннээх хаһаайыстыба

билистим.
Манна даҕаны сылгыһыт сылы быһа ыҥыыр үрдүгэр сылдьар
түбүктээх үлэлээх киһинэн биллэр. Билигин сылгыһыкка саамай
эппиэттээх кэм. Сыллааҕы үлэтин түмүгэ быһаарыллар биир
былдьаһыктаах бириэмэтэ. Сылгыһыттар биригээдэлэрин удьуор
сылгыһыттар сиэннэрэ А.А.Белолюбскай салайар. Удьуор утума

салҕанар диэбиккэ дылы икки төрөппүт уолаттарын Анатолийы,
Николайы сылгы уустук идэтигэр уһуйбут. Уолаттара билигин
уонтан тахсалыы сыл дьөһөгөйү үөрдээн иитиигэ үлэлээбит
уопуттаах сылгыһыттар ахсааннарыгар киирбит дьон. Сүрүн
үлэлэрин быыһыгар аты баайыынан, ат спордунан утумнаахтык
дьарыкналларын “кырдьык даҕаны дьөһөгөй оҕолоро
буолалларын” сөҕө көрдүм. Биһиги сылдьар кэммитигэр
Афанасий уолаттарынаан сүүрүктэрин Дьокуускай куоракка
ыытыллыахтаах улахан күрэхтэһиигэ киллэрээри баайа-эрчийэ,
дьарыктыы сылдьаллара.
Эдэр сааһын бүүс-бүтүннүү дьөһөгөй оҕотун үөрдээн иитиигэ
анаабыт Афанасий Белолюбскай кэпсииринэн, кэнчээри
мөлтөҕүнэн, хаар халыҥынан, сааһын чигдэ буола кытааппытынан
хаһыы сылгыта быйылгы кыстыгы бэрт илистиилээхтик, ыарахан-

122