Page 128 - Баһылай-Мүрү. Лена тэрээһиннээх хаһаайыстыба
P. 128
терүүрэ чугаһаабыт көҕөччөр биэни имэрийэ-имэрийэ бөҕөх
санаатын биллэрдэ.
Үрүҥ илгэ күрэҕэ саҕаланна
Ө лүөнэ-М үрү систиэмэтин кытыытынан тардыллыбыт
билигин да тыа суолунуу чиҥ курдук сытар трасса аҥардаах
кыараҕас суолунан Семен Портнягин бэрт сэрэхтээхтик
массыынатын айаннатар. Халтархайа диэн сүрдээх, түргэн айаҥҥа
халты оҕустаран суолтан тахсыах айылаах. Үнүрүүн халтарыйан
утары иһэр омук массыынатын таарыйа сыспыт, кыл-мүччү
ааһыспыттар...
— Сирбит-уоппут кырыымчыгынан сылгыларбыт хаһар
сирдэрэ, сылдьар да ыырдара биир оннук. Өрүс арыыларыгар өр
буолбаттар, төрөөбүт сир тардылыктаах диэбиккэ дылы,
алаастарыгар төннө тураллар. Хаһыы чычырбаһынан сылгылар
быйыл тыа кытыытынааҕы сири-дойдуну, маардары, үрэхтэри
биир гына хастылар, — дии-дии Семен Иннокентьевич сылгылар
тыа кытыытын тэпсэн, хаһан чигдэ оҥортообут миэстэлэрин
көрдөртүүр. Кырдьык, быйыл бу эҥэр сылгы хаһыыта быстар
мөлтөх. Ону ол диэбэккэ Саһылыкаантга диэри элбэх сылгы
алаастарга, сыһыыларга хаһан аһыы сылдьалларын айаннаан иһэн
астына көрдүбүт. Уопсай сылыктааһынынан туруктара дьыл
кэминэн соҕустар эбит диэн санааҕа кэллибит. Итинник сааскы
ылааҥы күн сатыылаабыта киһи санаатын өрө көтөҕөр, ыраас
салгыны утаппыттыы дуоһуйа тыынаҕын, айылҕаҕа сайа
оҕустарарын бэйэтэ туһунан хартыына. Онуоха эбии Семен
И ннокентьевич интэриэһинэй кэпсээнигэр аралдьыйан
Саһылыкааҥҥа кэлбиппитин билбэккэ хааллыбыт. Хаһыат
үлэһитигэр санаабытын хоту техника көстөн биэрээччитэ суох.
Бачча кэлбиччэ ферма үлэтин-хамнаһын билсэргэ быһаарынным.
Бөһүөлэк хоту баһыгар тыалтан-куустан хаххаламмыт оҥхой
сиргэ турар кыстык хотон эмискэ көрүүгэ көстүбэт. Улахан
уларыйыы суохха дылы. Бу фермаҕа уонча сыллааҕыта сылдьан
турардаахпын. Саһылыкаан биригээдэтин сүрүн баайа-дуола —
ыанньык ынаҕа, ыччат сүөһүтэ, саҥа төрүөҕэ манна кииннэммит.
Бу, үлэ туһа диэн илэмэ-салама көппүт үтүөкэн үлэһит
дьоннордоох Саһылыкаан биригээдэтин ыанньыксыттарын
үлэлэрин-хамнастарын билсээри күнүскү ыамнарыгар баттаһа
кэллибит. Кэтит хаптаһын муосталаах уһун субурҕа хотон иһигэр
124
