Page 130 - Баһылай-Мүрү. Лена тэрээһиннээх хаһаайыстыба
P. 130
үлэтиттэн астыммыт көрүҥнээх Петр Катаканов. Кинини кытары
бииргэ үлэлиир табаарыстара Елена Михайлова, Гаврил Васильев
хаалыылаахтар ахсааннарыгар киирэр санаата суох үлэ үөһүгэр
сылдьаллар.
Хотон аҥар уһугар ньирэйдэргэ тутуллубут анал хааччахтарга
ыйдарынан араарыллыбыт ньирэйдэр нуормалаах аһылыктарын
сиэн, төбөлөрүн халаачыктыы эринэн туох да кыһалҕата суох нус-
хас утуйа сыталлар. Түүлэрэ-өҥнөрө ырааһа, бөдөҥнөрө сылаас
илиилээх хаһаайыны санатар.
Осеменаторынан уопуттаах специалист Елизавета Портня-
гина уон биирис сылын таһаарыылаахтык үлэлиир. Биллэрин
курдук, үлэ түмүгэ көрдөрөрүнэн ханна искусственнай
сиэмэлээһин атаҕар турбут сиригэр ынах сүөһү боруодата тупсар,
онно төрөлкөй, доруобай ньирэй ылыллар. Ол быһыытынан
Саһылыкаан биригээдэтигэр ынах сүөһү боруодата куһаҕана суох,
бородууксуйаны ылыы да түмүгэ оннук. Ферма үлэһиттэрин
күннээҕи түбүктээх үлэлэрин билсэн, тыа сиригэр чахчы да хоһуун
дьоннор бааллар эбит диэн өйдөбүллээх араҕыстыбыт.
126
