Page 79 - Баһылай-Мүрү. Лена тэрээһиннээх хаһаайыстыба

тыбатын үтүөлээх үлэһитэ, сылгыһыт А АБелолю бскай ыраах
эппиэттээх айаҥҥа тиэллэ үөрүйэх сүүрүктэрин уолаттарынаан бэрт
кэбэҕэстик массыынаҕа киллэрэн баайталыыллар. 800, 1200, 2000,
2400, 3200 м етрдээх дистанцияларга эрчийбит. барыахтаах
еүүрүктэрэ бэлэмнэрин туһунан ат баайааччы бөҕөх санаатын
биллэрэр. Ити кэнниттэн Семен Иннокентьевич Өлүөнэ өрүс унуор
күрэхтэһэ барар сүүрүктэригэр сиэри-туому тутуһан Аал уотун
аһатан кыайыы көтөллөөх эргиллэллэригэр алҕаата.
Массыынабытын төттөрү салайа тутан бөһүөлэккэ киирэн
Саһылыкааҥҥа ааһан иһэммит Ала -Соболоох сайылыгын уопуттаах
бостуугун И .С .Львову көрүстүбүт. Сайылыктарыттан кыстык
хотонноругар иллэрээ күн кэлбитгэр. Хаайбыт хааччахтарын алдьатан
аҕыйах сүөһү сайылыктарыгар төннүбүттэрин хомуйан аҕалбыт.
К эпсэти илэри н ис хоһоонуттан биллэххэ, С.И.Портнягин
ыанньыксыттарыгар, бостуугар эрэнэрэ улаханын, дьонун туһугар
кыһалларын астына саныы истим.
Бороҕоннуур трассанан хаҥас диэки Ынахсыт диэн уһун
синньигэс бааһынаҕа икки комбайн үлэлээн күпсүйэ сылдьаллар.
Биир “Камаз” массыынаҕа бастакы хомуур сиэмэтин толорон
Саһылыкааҥҥа ыыппыттар. Биһиги кэпсэтиибитигэр Государ-
ственнар бириэмийэ лауреата, чулуу механизатор В.Н.Портнягин
бэрт көхтөөхтүк кыттар.
— Тыа суола мөлтөх. Икки күн устата сосуһан бэрт эрэйинэн
айаннаан кэллибит. Бу бааһынабыт үүнүүтэ куһаҕана суох. Быйыл
300 гектар бааһына ыһыылаахпыт, бу иһиттэн 100 гектара эбиэс.
Бааһыналар инчэҕэйдэр, онон куурбут өггүттэн сарсын Хаадьымалаҕа
эби эс хомууругар көһүөхпүт. Бурдук хаһаайыстыбатыгар уопсайа
10 киһи үлэлиир. Сайын окко толору механизайиялаах звено
үлэлээтэ. Кинилэр күүстэринэн 260 тонна рулоннаммыт от хотон
таһыгар кыбыьҥа тиэллэн турар. Онон сыл тахсар оттоохпут. Техника
улаханнык саахалламатаҕына, күн-дьыл да туран биэрдэҕинэ,
хомуурбутун сөпкө бүтэриэ этибит, — диир Василий Николаевич.
Василий Портнягин хаһаайыстыбатын үлэтин бириэмэтигэр толоро-
толоро, олохтоохтор көрдөһүүлэрин от-мас, муус тиэйиитин быһа
гыммат чулуу механизатор.
Дьэ, ити курдук, туран биэрбит күһүҥҥү кураан күннэри таба
туһанан “Л ена” тэрээһиннээх хаһаайыстыба салайааччылара,
үлэһиттэрэ күөх сайын биэрбит уйгу быйаҥын: дороххой от
аһылыгы, оҕуруот аһын, көмүс туорааҕы сүтүгэ суох, үрүҥ илгэни
дэлэтэр туһугар үлэлии-хамсыы сылдьаллара киһини үөрдэр.

75