Page 75 - Баһылай-Мүрү. Лена тэрээһиннээх хаһаайыстыба

Оскуола үбүлүөйэ

1930 сыллаахха Саһылыкаан нэһилиэгэр оскуола Бэс Арыылаах
алааска Михаил Михайлович Ябловскай диэн сэниэ баай ыал
дьиэтигэр арыллыбыта. Манна икки учуутал үлэлээбиттэрэ. 12 оҕо
үөрэнэрэ уонна киэһэ өгтүгэр улахан дьону билиигэ үөрэтэллэрэ.
Маҥнайгы учууталынан И.И.Макаров диэн Өлүөхүмэттэн төрүттээх
киһи ананан үлэлээбитэ. Кинини кытары С.В.Бочкарев, норуокка
биллэринэн Бассабыык Сэмэн диэн киһи тэҥҥэ сылдьыспыт. 1932-
1933 сылларга бу оскуоланы Доҕолоҥ диэн Сыырдаах уонна
Саһылыкаан икки ардыгар баар алааска көһөрөн аҕалбыттар. Манна
эбии Сыырдаахтан Черкашиннар дьиэлэрин аҕалан салҕаабыттар
уонна синньигэс көрүдүөрүнэн холбообуттар. Оччотооҕу кэмҥэ 60-
ча оҕо үөрэнэр улахан оскуолата буолбута. Сэрии иннинэ бу оскуолаҕа
И.И.Макаров, С.В.Бочкарев, Р.В.Скороходкин, М.В.Аммосов,
Н.С.Гоголев, Я.К.Заболоцкай, В.Н.Бурнашев, Г.П.Черкашин, А.В
учууталынан үлэлии сылдьыбыттар. 1941-1942 сылларга учууталлар
бэбиэскэлэнэн сэриигэ барыталаабыттар. 1941-1948 үөрэх сыл-
ларыгар М.С.Готовцева, М.Е.Сыроватская, Я.К.Заболоцкай үлэлээ-
биттэр. Ити сылларга оскуола үлэтэ биллэрдик тупсан оройуоҥҥа
үчүгэй үлэлээх оскуолалар ахсааннарыгар бигэтик киирбитэ.
Оччотооҕу олох ыарахан кэмигэр, ас-таҥас тиийбэт, аччык-
тааһын, сут сылларыгар оҕолор олус уустук усулуобуйаҕа олорон
үөрэммиттэр. Балтараалыы көстөөх сири сатыы сороҕор оҕуһунан
кэлэн үөрэнэн, халлаан хараҥарыыта дьиэлэригэр нэһиилэ айаннаан
тиийэллэрэ. Маннык ыарахан кэмҥэ интернат дьиэтэ үчүгэйдик
үлэлээн оҕолору абыраабыта. Оҕолор бастаан сөҕүөхтээн ааҕарга,
суруйарга холонон барбыттара. Оскуола үс оһохтооҕо. Саас-сайын
ахсын оттук маһы оҕолор бэйэлэрин күүстэринэн бэлэмнииллэрэ.
Манна ыраах алаастартан Маҥан өтөхтөн, Өлүнньэхтээхтэн,
Хаалдьыматтан, Хаҥаттан, Илин Үрэхтэн сылдьан үөрэнэллэрэ.
50-нус сылларга колхозтары бөдөҥсүтүүгэ Саһылыкаан үс
колхоһа Суоттуга холбоһор буолбута. итиэннэ Федот Васильев
аатынан биир улахан колхоз тэриллибитэ. Сорох ыаллар Суоттуга
көспүттэрэ, оҕолор Хоноҕорго Кыһыл Кырдал 8 кылаастаах
оскуолатыгар үөрэнэ барыталаабыгтара. Итинэн Доҕолоҥ оскуолатын
оҕото ахсаан өттүнэн аччаан 1952 сыллаахха сабыллыбыта.
1959 сыллаахха оскуола чааһынай ыал дьиэтигэр аҕыйах оҕолоох
аһыллыбыта. Учууталынан Е.И.Охлопкова үлэлии кэлбитэ.

71