Page 94 - Баһылай-Мүрү. Лена тэрээһиннээх хаһаайыстыба

күннэри баттаһа кэлиилэрэ-барыылара үксээбит. Ыы-быччары
массыыналары тиэммит эрдэтээҥи паром биэрэккэ тиксэр. Кинини
тилэх баггаһа түргэн сырыылаах катер биэрэккэ сыстаатын кытары
кэтэһиилээх ыалдьыттар трабынан түһэллэр. Михаил Ефимович
кэтэһэн турааччылары барыларын кытары сахалыы сиэринэн илии
тутуһан «Дойдум дьоно, дорооболоруҥ!», - диэн үөрэр-көгөр. Кини
- «Лена» тэрээһиннээх хаһаайыстыба салайааччытыгар Семен
Иннокентьевич Портнягишга туһаайан: «Кырдьаҕас гвардия», - диэн
бэрт өрдөөҕүттэн билэр дьонун көрсөн долгуйбута, үөрбүтэ туора
киһи хараҕар арылхайдык көстөр. Саха Республикатын бастакы
Президенин арыаллаан кэлбиттэр Правительство Председателин
бастакы солбуйааччы А .И .Степанов, Хотугу кыра ахсааннаах
норуоттар Департаменнарын салайааччы А.В.Мигалкин, «Туймаада-
Лизинг» генеральнай директора С.С.Иванов, М.Е.Николаев сүбэһитэ
В.П.Ноговицын уо.д.а.
Кинилэри көрүстүлэр улуус дьаһалтатын аҕа баһылыга В.Д.
Троев, К.Ф.Мигалкин, тыа хаһаайыстыбатын управлениетын
начальнига Н.ВАтласов, Суотгу нэһилиэгин дьаһалтатын баһылыга
В.И. Иванов.
Республика бастакы Президенэ С.И.Портнягиҥҥа туһаайан
этиитэ мээнэҕэ буолбатах. Михаил Ефимович тыа хаһаайыстыбатын
министринэн үлэлиир кэмигэр Семен Портнягин «Лена» совхоз
биир эппиэттээх учаастагар биригэдьиирдиирэ. Совхозтар
эстиилэригэр убайдыы быраат С.И., И.И.Портнягиннар салалтаҕа
кэлэннэр хаһаайыстыбаны ыспатахтара, өрүһүйбүттэрэ диэтэххэ
киһи сыыстарбата буолуо.

Пенсия кээмэйин үлэнэн ситиһиэххэ

Улуус дьаһалтата оҥорбут анал программатынан СР бастакы
президена Михаил Ефимович Николаев сайылыктарга, отчуттарга
сырьггта, үлэни-хамнаһы сирийэн сиһилии билистэ, санааларын,
этиилэрин болҕойон иһиттэ. «Лена» тэрээһиннээх хаһаайыстыба
сайылыктарыттан бастаан Ала Соболооххо тиийэр. Манна титииккэ,
үүтү тутар, сойутар дьиэҕэ сырытта. Улууска, нэһилиэккэ
сайылыктааһын программата былааннаахтык барарыттан
астыммытын биллэрдэ. М ихаил Ефимович тэр ээһ и н н ээх
хаһаайыстыба салайааччьггыгар элбэх боппуруостары биэртэлээтэ.
Үлэ төлөбүрүн, инникитин хайдах-туох үлэлиир былааннаахтарын
чопчуласта.

90