Page 96 - Баһылай-Мүрү. Лена тэрээһиннээх хаһаайыстыба

- Пенсиялаах буоллаҕын дии? Пенсияҥ орто кээмэйэ төһөнүй?
- Пенсиялаахпын, билигин 7 тыһ. солк. таҕыста.
- Ол аата хамнаһыҥ пенсияҕыттан кыра буолан тахсар эбит
дии?
- Оннук, - сөбүлэһэр М.Т. Заболоцкая.
- Сотору кэминэн пенсияҕыт 10 тыһ. солк. буолуо, - Михаил
Ефимович бэрт ырааҕы киэҥи толкуйдуурдуу чочумча саната суох
турбахтыыр, - М анна эм иэ туту эмэ толкуйдуохха, саҥаны
көрдүөххэ.

Кадр кырыйда

- Биһиги урукку үлэһит көлүөнэҕэ майгынныыр ыччаты
производствоҕа тардар, чугаһатар схеманан үлэлиибит. Плем үлэ
иитиигэ хаалар сүөһүттэн ордугун күһүн кыстыкка киирии саҕана
эбии төлөбүр быһыытынан үлэһиттэрбитигэр түҥэтэбит. Ону
кинилэр бэйэлэрин көрүүлэринэн государствоҕа тутгараллар эбэтэр
чааһынай наадаларыгар тутталлар. Билигин ханан даҕаны тыа
хаһаайыстыбатыгар ыччат тохтообот буолла, сүөһүгэ сыстан үлэлиир
кадр кырыйда. Үгүстэрэ пенсия саастаахтар үлэлии сылдьаллар.
Салайааччылар, биһиги даҕаны кырыйдыбыт. Саас барахсан сыл
ахсын уора-көстө доруобуйаны кэбирэтэн, сааскын ылан иһэр
буоллаҕа. Айылҕа сокуонун утары барар кыах суох.
- Көрөбүн ээ, тыа сиригэр, тыа хаһаайыстыбатыгар эдэрдэр
көхтөөхтүк, үөрэ-көтө үлэлии тахсаллара мөлтөөбүтүн. Айаал
Иванович, бу боппуруоска өссө күүскэ, санааны ууран туран
ылсыахха баара. Холобур, Калмыкияҕа 100 төбө барааны биир эдэр
ыалга 1 сыл болдьохтоон көрөргө биэрэллэр. Ити сыл төрөөбүт
бараанын оҕолорун бу ыал көрбүтүн суотугар бэйэтигэр ылар.
Эһиилигэр бу барааннары атын ыалга ииттэрэ биэрэллэр. Ити
курдук сыл ахсын эргитэ сылдьан ыалтан ыалга биэрэн иһэллэр.
Бу сүрдээх интэриэһинэй үлэ тэрээһинэ. Маныаха майгынныыр
үлэ хайысхатын эдэр дьоҥҥо көрдүөххэ, оччоҕо тыа сиригэр ыччат
кэлиэ этэ, - диир Михаил Ефимович бэрт кэскиллээх боппуруоһу
таарыйан.
- Мин элбэх мунньахтарга, түмсүүлэргэ үгүстүк эттим ини
эппэтим ини, кэлиҥ, үлэлээҥ, сири, сүөһүнү биэрэбит диэн. Дьиэ
тутталларыгар федеральнай, республикатааҕы бюджеттан үп-харчы
көрүллэр. Тыа хаһаайыстыбатын үрдүк үөрэхтээх специалиһа тыаҕа
үлэлии тахсарыгар ый ахсын 6 тыһ. солк. хамнаһы тыа хаһаайыс-

92