Page 95 - Баһылай-Мүрү. Лена тэрээһиннээх хаһаайыстыба

— Ыанньыксыт ыйдааҕы орто хамнаһа төһөнүй? - диэн соһуччу
соҕустук ыйытар.
— Бу ферма ыанньыксыттара күҥҥэ 9-10-нуу киилэ үүтү
ыыллар. Сылга 1850 киилэ үүтү ыыр ыанньыксыт ыйдааҕы орто
хамнаһа 10 тыһ. солк. Оттон 2000 кирбиини аһары түспүт ыанньык­
сыт 12 тыһ. солк. аахсар, - диир Семен Иннокентьевич. - Ити
биирдиилээн бастыҥнар көрдөрүүлэрэ, - диэн эбэн быһаарар.
— Үүккэ бэриллэр дотацияны үрдэтиэххэ баара, - кэпсэтиигэ
Михаил Денисович Моттуев кыттыһар.
— Үүккэ дотация бүгүҥҥү күннээҕи туругуттан ордук үрдээбэт.
Республикаҕа тэриллибит «СахаАгроПродукг» бытовой кооператив
нөҥүө астыыр-үөллүүр салаа бородууксуйатын быстыбат бигэ ситимэ
тэриллибитэ. Төһөнөн элбэх үүт аһылык араас көрүҥүн оҥорон
нэһилиэнньэҕэ батарыыттан тутгарыллар үүт сыаната үрдүөн сөп, -
диэн быһааран биэрэр Айаал Иванович.
— Үүккэ эбилик харчы Россия ханнык да регионугар суох.
Мин үлэлиир кэммэр киллэрбитим, - дии-дии күлэн мичик гынар
Михаил Ефимович.
— Билигин олох балысханнык сайдан иһэр. Толкуйдуохха,
төбөнү үлэлэтиэххэ. Үүтү сэргэ, промышленнай төрүккэ ыччат
сүөһүнү уотуохха. Үүт харчытын сорох түгэннэрин этинэн
солбуйуохха... Хайдах буолуой?
Ити кэннитгэн Михаил Ефимович ферма үлэһиттэрин кытары
атах тэпсэн олорон сэһэргэстэ. Сайылык киэҥ-куоҥ чээлэй күөх
тэлгэһэтигэр ыанньыксыттар, ньирэй көрөөччүлэр, специалистар
ыраахтан кэлбит күндү ыалдьыты көрсөөрү, тылын-өһүн истээри
бары мустубуттар. Сайылык тэлгэһэтэ ырааһа, сайыҥҥылыы
күөҕүнэн чэлгийэ сытара, онуоха эбии үлэһиттэр бэйэлэрэ оҕолуу
бүөбэйдээн үүннэрбит араас дьүһүннээх сибэккилэрэ дьиэ таһын
өссө тупсарбыттар. Манна үлэни өрө туппут Заболоцкайдар дьиэ-
кэргэттэр династияларын үтүө холобур быһыытынан ахтыбат
буолуохха сатаммат. Ийэлэрэ Мария Терентьевна пенсияҕа да
таҕыстар оҕолорун кытары тэбис-тэҥҥэ ыанньыксыттыыр. Уола
Сергей кэргэнинээн эмиэ ыанньыксьптар. Мария Заболоцкая ферма
үлэтин-хамнаһын сиһилии билиһиннэрдэ.
— Хамнаскытын бириэмэтигэр ылаҕыт дуо? Ывдааҕы хамнаскыт
төһөнүй?
— Хамнас кээмэйэ үүттэн быһаччы тутулуктаах. Элбэҕи
ыатаххына үрдүк, кыраны ыатаххына кыра. Сайыҥны ыйдарга син
аахсабыт. Алта тыһыынчаттан түспэппин. Авансанан эҥин ый ахсын
син ылабыт.

91