Page 221 - Сергей Васильев. Хоһооннор, поэмалар
P. 221
Дохсун парадпыт кэтирээбитин,
Торҕо күөх дойдубут киэргэммитин.
Эҕэрдэлээх итии кун кылбааран
Эргийэн бу Крымҥа тиийэн кэллэ,
Ол мин Сахам сириттэн
Уонча чаас устатыгар унааран.
Илин түннүгүнэн көрдөҕө
Мин таптыыр кэргэттэрбин,
Күлүмнүү сыдьаайан аастаҕа
Күндү саҥа куораттарбын.
Дойдум ньуурун сыдьаайдаҕа—
Тоҥ муустаах хотугу далайдары,
Долгуннаах киэҥ өрүстэри,
Торҕо күөх толооннору.
Элбэх да норуот парадка таҕыстаҕа,
Эгэлгэ дьикти ырыа ылланнаҕа,
Китай, Европа кытга ньиргийдэҕэ,
Кыайыы, дьол дэхси истэҕэ.
Мин бүгүн бу Ялтаҕа хаамсабын,
Мэндээрэр чуумпу муора кытыытыгар,
Сталин иннигэр сахалыы ураатыыбын,
Ыраатар ол сатараан, музыка
дуорааныгар.
Бүгүн манна тахсан хаамсабыт,
Бүтүн Ийэ сир тулатыттан мунньустан,
Сүүс омук тылынан ураатаан,
Сүрэхтэн дириҥник айхаллаан.
Туругурдун 1-й Маай,—
Доҕордоһуу аан дойду үрдүнэн!
Сэтэрдин, ньиргийдин ураа,
■Сири, халлааны сиксигинэн!
1950 с ., Ялта к.
