Page 224 - Сергей Васильев. Хоһооннор, поэмалар
P. 224
Ыарыһах буолан турабын,
Ыар күннэри ааһаммын.
Сэрии, силлиэ күнүгэр
Сииги-хаары кэспитим,
Кырыс буор үрдүгэр
Кыһыл хааммын тохпутум.
Элбэх даҕаны хаепаҕы
Этим суоһунан куурпутум,
Үгүс даҕаны тииттэри
Үөмэн иһэн кууспутум.
Тобуктаан, оҕолуу сынаммын,
Туораабытым бу Крымы,
Ыйы-хайы ааһаммын,
Ылеыбытым улуу кыайыыны.
Бу кэлэ сылдьабын,
Бухатыыр курдук, уһаарылла,
Русалка аттыгар турабын,
Уордайан, эмиэ хатарылла.
Алдьаммыт бааскын эмтииллэр,
Алтанынан эйигин иһэрдэн,
Өрүү миигин өйүүллэр,
Үөрүү күлүмэр мичээрдэн.
Андаҕайаоын сэргэ туран,
Аламай күммүн солуок ууран:
Күвн туттар сырыылаахпын,
Көһүнэн, үйэнэн хардыылаахпын!
Ол килбиэннээх чиэспинэн,
Уһун чаҕылхай суолбунан,
Ааттаах Ленам кытыытыгар,
Алдан көмүһүнэн кутуллан
Туруом мин, ыччат ырыатыгар
Доҕор курдук туойуллан.
1950 с., Ялта к.
