Page 273 - Сергей Васильев. Хоһооннор, поэмалар
P. 273
Күүстээх көтөрдөр
Көмүскээн ылбыттар...
Охсуһуу кэнниттэн уоскуйан
Уопсай мунньахтарын салҕаабыттар,
«Атын тойону булуохха!»— диэн
Айманан-айдааран турбуттар.
Күөх солко баттахтаах
Көҕөн обургу ханаҥнаан,
Ортолоругар киирэн
Уһуннук маатырҕаан:
«Үрдүктүк да көтөрүнэн,
Өйүнэн да ордугунан.,
Күүһүнэн да бастыҥынан
Хотойтон ордук
Хотоҕойдоох баар дуо?
Тойонунан кивини талан
Туппут уйа
Тохтубат дойдутун,
Сымыыттаабыт сымыыт
Сытыйбат сирин
Көрдөтө охсуохха!»— диэбит.
Бары үөрүүнэн. хотойу
Баһылыгынан талбыттар,
«Сөрүүн сири бул!»— диэн
Сүгүрүйэ турбуттар.
Бүтэй бүлгүннээх,
Сабыылаах сарыннаах,
Арылхай харахтаах,
Дэгиэлээх тыҥырахтаах
Хотой обургу
Олорбут буорун
Ойо тэбэн,
Тирэммит буорун
Дэлби ТЭбЗ'Н,
Өрө кетөн тахсыбыт,
Араҕас халлааны
Алын кырсынан,
Үрүҥ былыты
Үрүт кырыытынан
2о7
