Page 295 - Сергей Васильев. Хоһооннор, поэмалар

Кыраадыстар үрдүүллэрин сүоттаталаан,
Кыра таас кнопкалары хам баттаталаан,
Хас эмэ тыыһынчанан киһи
Харытын күүһүнэн кыайан хаспатын
Экскаватор күүһүнэн
Икки аҥы силэйдиҥ,
Буор сир айыллыаБыттан
Боруоктарын өҥөспөтөх
Волга, Дон бэйэлээхтэри
Букатын хэлбоотуҥ;
Хайалары чиэрэстэтэн
Ханаал устун
Харааптары уһуннардыҥ.

Ол, улуу тутуу
Ууһугар — эйиэхэ,
Ыччаппар,
Саҥа үүммүт үлэһиккэ
Ыраах
Саха сириттэн эҕэрдэ.
Мин
Силлиэ-буурҕа күүһүгэр
Сирэлийэн үөскээбитим,
Бу арҕас хайаларынан,
Волга, Дон кытылларынан
Автомат сааланан
Атааканан өстөөххө кимэн киирбитим,
Ыга утары түсүһэн,
Ыстыыгынан силэспитим.
Оо,
Элбэх даманы
Эрэйи көрбүтүм.
Хонукка хастыы эмэ
Хоһуруолары дириҥэтэн,
Бу аппаларынан, ол тостууларынан
Хоммут курдук буоларым;
Сэппэрээк төрдүн ахсын
Сири хастан, хахха туттан,
Сибиныиэс ардахтан
Сирэйбин кистии түһэн ааһарым.
Ол курдук,
Бу улуу ханаал оннунан,
19 Сергей Ва ильев 289