Page 300 - Сергей Васильев. Хоһооннор, поэмалар
P. 300
Телүтэ түһэн,
Сипим саҕаттан силбэһэн,
Сап саҕаттан салҕанан,
Толооннору туораабыппын,
Алардары ааспыппын!
Көрөөхтөөтүҥ да этэ
Көнньүөрэн эмиэ күлүмнээбиппин,
Кугтанан эм«э кубарыйбыппын!
Иһиттиҥ да этэ
Саллааттар ыллаһарбытын,
Саргы! — диэн хаһытаһарбытын!
Кэрэтик да саныыбын билигин
Киевкэ кэлэммин мин эйигин
Госпиталга хаалларбыппын,
Куораттан кепка атыыласпыппын!
Кэрэ даҕаны этэ —
Кепканы ахтан кэтэр.
Килбиэннээх күн этэ.
Кепка диэн — эйэни этэр.
Кепкам барахсан,
Кэрэҕин дараны!
Эйиэхэ көрөбүн
Иэримэ дьиэбин,
Ийэбин, аҕабын!
Быраһаай, пилоткам —
Быһылааны быһаҕастаспыт,
Үөрүүнү үллэстиспит
Үөлээннээх доҕорум,
Үтүөкэн таҥаһым!
Дорэобо, кепкам,
Дойдум дьоло,
Доҕорум миэнэ!
1954 с.
