Page 356 - Сергей Васильев. Хоһооннор, поэмалар

Үер чыычаах үргэн
Өрө тирилээн та^ыста.
Аччыгый уолчаан
Ааны аппатан көрдө,
Тусаһаны ортотунан
Түорахачыйа сүүрдэ,
Илиитинэн чарапчыланан
Илин суолу одууласта,
Кыратык салгыннанан
Кылгас ырбаахыны хамсатта.

Алааһы саҕатынан
Аллаах ат атаҕын тыаһа
Ахсымнык тибигирээн иһилиннэ,
Турар мастары быыһынан
Туйаҕын. бурҕаата
Тунаарыҥнаан көһүннэ.
Күрүөнү үрдүнэн
Көмүс ыҥыыр килбэҥнээтэ,
Үүт бүтэйи кырыытынан
Үүн тыаһа кылырҕаата,
Халлаһыйбыт ат хаххыллан
Хааман кэҕийэн кэллэ,
Сэбиэт Сиидэрэп түһэн
Сэргэҕэ атын баайда.

Ааһан иһэн, туора хааман
Адыылаһан турар уолчааны
Сарыы үтүлүгүнэн
Санныга «сап» гыннарда,
Баабый 'илиитинэн
Баһыттан умса баттыалаабыт буолла.
Сааһынан кини отутчалаах,
Саа туппут, уоту туораабыт партизан,
Субу ыксалынан
Сугулааҥҥа баран иһэр,
Сыкана эмээхсин дьиэтигэр
Сырдыгы киллэрэ киирэр...

Көмүлүөк оһох
Көхсүн иһигэр
Кутаалаах уот
350