Page 360 - Сергей Васильев. Хоһооннор, поэмалар
P. 360
Үрүт үөһэ үтүрүһэн
Үмүөрүһэн киирдилэр,
Сааһыламмакка эрэннэр,
Сандаарыҥнаан истилэр.
Эрдэҕэс улар түөһүн түүтүн курдук,
Эбир-дьаҕыл былыттар
Илин халлаан кырыытыгар тиийэн,
Иҥэн-сүтэн истилэр,
Оһуу-соһуу былыттар
Унаар халлаан улаҕатыгар тиийэн,
Умсан, уостан бардылар...
Өлөксөй туран
Үҥкүрүйэ оонньообут сыһыыларын
Өйдүү-саныы сырытта,
Туэйбут-чугдаарбыт толооннорун.
Тохтоон көрөн истэ.
Иэкэҕэр уҥуохтаах
Иччитэх титииктэр
Эркиҥнэрэ кубарыйан турдулар,
Арбаҕар чаампылаах
Аһаҕас ампаардар
Ааннара харааран көһүннүлэр...
«Сайылыгым, быраһаай!..
Сарсын аҕам кэлэн,
Баҕар, үөрэн диэн, сырдыкка ыытыа,
Баҕар, ыраах ханна эрэ илдьиэ...»
^
Аҕалара оҕонньор,
Атыыһыт Сүөдэрдиин
Ат мэҥэстэн,
Арҕаа айан суолунан
Айаннатан. сзгэлдьитэн кэллэ.
Дьэ сүрдээх тиэтэлинэн
Дьиэҕэ дьогдьорус гына түстэ...
Остуолга тардылынна
С^ылаас ньэчимиэн лэппиэскэтэ,
Сырдьыгыныы уулбут арыы,
Аҕыйах таас чааскы,
354
