Page 390 - Сергей Васильев. Хоһооннор, поэмалар

Ыаллар турбуггар,
Ынахтар хонууга тар^аабыттар.
Күөх халлаан анныгар
Күөрэгэй битийэр,
Дьэргэлгэн күөнүгэр
Дьири-дьири дьиэрэйэр.
Оскуола түннүгэр
Күн уота сыраллар.
Көлүччэ көхсүгэр
Көмүс долпун кылбаҥныыр.

Халлааҥҥа иүерэҥнэһэн,
Хараҥанан үөмэхтэһэн,
Хараҥаччылар айманаллар.
Киҥкир тыаҕа «эһиэкэйдээн»,
Кэрэ күнү эҕэрдэлээн,
Кэҕэлэр кукууктууллар!

Өлөксөй ыалларга сылдьыталаат,
Утуйан ылан сынньанаат,
Уу дьоруо аттанан,
Алардары үрдүнэн,
Алаастары иһинэн,
Хаамыынан дибдитэн,
Хаҥыллык сэгэггэн,
Дьиэтигэр барда.

Киҥкир тыаны быыһынан
Киэҥ күел киэлитэ
Килэдийэн көһүннэ.
Арыы хатыҥ кэнниттэн
Ааттаах сайылык хонуута
Арыллан нэлэһийдэ.

Сыһыы арҕаа куулатыгар,
Сыгынньах бааһына ортотугар
Сылгы бөҕө мустубут,
Сыта-сыта күөлэһийбит,
Эрэһээҥки бүтэй аттыгар,
Эргэ титиик анныгар
Бүгүлэхтии-бүгүлэхтии тигилийбит,
Б,үтүн сааһы быһа тибилийбит.
384