Page 387 - Сергей Васильев. Хоһооннор, поэмалар

Директор кыыһыран кинини тохтотто,
Секретарь кыыһынан Кубаачаны ыҥыттарда.
Кубаача киирэн нуттанан ыгылыйда,
Тымныы төҥүргэһинии кубарыйда,
Тарбаҕын тоһута имитгэ,
Тугу гыммытын олоччу билиннэ.

«Хаһыа да буолан, Дьөгүөссэлиин кистээн,
Комсомоллары ооруйан өһөөн,
Үерэхтзрин мэһэйдэөри,
Өрдөөҕү иэһи ситиһээри,
Киэһэ ахсын хойутаан
Кинилэр мунньахтан кэлиилэригэр анаан
Айдааны, оонньууну тэрийбиппит», — диэтэ,
Титирии-титирии,
Сэҥийэлиин илибирии-илибирии.

Уоттара умуллубут харахтарынан
Уолаттар утарыта көрүстүлэр.
Хаһан тугу оҥоотторун туһунан
Хардарыта мөккүстүлэр

Өр мөккүһэн бараннар,
Кирдээх ньоҕойдорун түгэҕин буланнар:
«Аны хойуу өйдөннүбүт,
Ааллыы көнө сүрүннэннибит.
Буруйу оҥоруохпут суоҕа,
Бугуйан, суолтан туоруохпут суоҕа», —
Дэһэн санньыһан турдулар,
Муннуларын өрө сыҥнылар.

«Эһиги оччугуй уолаттаргыт,
Уоскутугар уоһахтаахтаргыт.
Уонна өссө харсыһаҕыт,
Улуу дьолтон халыйаҕыт,
Аныгы буруйгутугар оскуолаттан таһаарыахпыт,
Арбахтаах сиппииринэн сиппийиэхпит», —
Холкутук директор быһаарда,
Хостон үүртэлээн таһаарда.
381