Page 398 - Сергей Васильев. Хоһооннор, поэмалар

Хара тыаны ортотунан,
Хаалбыт, тыымпы суолунан
Хаамтаран харбыалатан истэ

Киэҥ Килэдимэн сайылык
Килэдийэн көһүннэ.
Улуу сир тардыыта
Умса дьүккүйдэ.

Сиэл ыйыыр дэлбиргэ баайар
Сэттэ урдаах кырдьаҕас тиит
Суон, хаппыт мутуктарынан
Суолу туора быластаап турда.

Алдьаммыт сыарҕа сыҥааҕа,
Алтай чаанньык кылдьыыта.
Талах кымньыы төрдүгэһэ
Бугул курдук чөмөхтөммүт.

Таҥас кыраһыга,
Томуйах томторуга,
Сиэл быа сэбэһэтэ,
Ситии-тайма эгэлгэтэ
Намылыччы ыйаммыт.

Атыыһыт Сүөдэр
Лтыттан түстэ.
Икки хараҕа
Итирбиттии мэндээрбит,
Икки илиитэ
Иннигэр былааттыы ыйаммыт.

Тэмтээкэйдээн кэлэн
Тиити кууһа түстэ,
Аҕылаата, бөтүөхтээтэ,
Аргыый имэрийдэ.
Өр баҕайы таалла,
Өйөнөн турда,
Кулгааҕа куугунаата,
Холо-буута айгыр хамсаата.
39 2