Page 399 - Сергей Васильев. Хоһооннор, поэмалар

Өйүгэр, санаатыгар
Өлөксөй элэҥнээтэ,
Кини суолугар
«Ол оҕо» туора туран мэһэйдээтэ,
Элбэҕи-ырааҕы өйдөөтө,
Эдэрин кытта санаата:

«Бу суолунан былыр,
Өймөкеөн, Халыма тоҥуһун
Үрүҥ-хара түүлээҕин
Уонунан көлөҕө ыҥыырдаан,
Уу дьоруонан дибдитэн ааһара.
Бу суолунан былыр,
Улууска кулубалыы сылдьан,
Уонунан кинээһи арыалдьыт гынан,
Чуорааннаах-торуойкалаах
Чуумпу халлааны аймаан,
Дьокуускайга чугдаардан ааһара».
«Бу суолунан былыр,
Көмүс харчы үттэллэнэн,
Күндү түүлээх дэйбиирдэнэн,
Күн кыһалҕатын умнан,
Күөгэйэр күнүгэр сылдьан,
Дьааҥы эбэ улаҕатыттан
Чалыыманы саҥа сүгүннэрэн,
Эдэр кулут энньэлэнэн,
Элик бэрдэ нэктэллэнэн,
Сүүс сыарҕа табанан
Сүүрдэн элэҥнэтэн ааспыта».

«Бу суолунан былыр,
Суобаһы-кэрээни тумнан,
Соллоҥноох сааһыгар ыттан
Чукчалар, тоҥустар күестэрин
Чуккуччу-кубарыччы салаан,
Хоспохторун, хопполорун иһин
Кубарыччы кураанахтаан,
Дойдутугар теннөн иһэр
Дьокуускай атыыһытын
Хайдыы үрдүгэр тоһуйан
Хара тыыныгар туран,
Үбүн-аһын халаары
393