Page 67 - Сергей Васильев-Борогонскай. Поэт уонна гражданин

Бэсиһинэн, бэйиэт тэҥнэбиллэрин этиигэ оруолунан
көрдөххө, быһаарыы, сиһилии уонна сэдэхтик кэпсиирэ
оҥорор. Ордук хото сиһилии тэҥнэбил, ол аата хайааһыҥҥа
сыһыаннаах тэҥнэбили тутгара көстөр. Биһиги бу маны тус-
па арааран ырыппатыбыт эрээри ити тэҥнэбил үксэ дьөһүөл
уонна сыһыат ситиминэн оноһулларынан быһаарыллыан сөн.
Алтыһынан, С.С.Васильев тэҥнэбшшэрэ сэдэхтик хатыла-
наллар. Ол кини тылга үлэлиирин, сонун ньыманы, халыыбы,
тылы көрдүүрүн, онон сайда турар тосхоллооҕун туоһулуур.
Поэт тыл маастара буоларын көрдөрөр.
Сэттиһинэн, С.С.Васильев айар истиилин, тылын, маас-
тарыстыбатын дириҥник чинчийии саха литературата сайда-
рыгар көдьүүстээх буолуон сөп эбит диэн санааҕа кэллибит.
Ол курдук кини айымньылара ис хоһооннорунан, айар ньы-
маларынан олоҕу кытта тэҥҥэ сайдан, кэлэр көлүөнэҕэ кэ-
рэхсэтэ турар номохтоохтор.
Бэйиэт тыла, уобараһа хатыланыыта кини кэхтиитин бэ-
лиэтиир диэн С.П.Данилов бэлиэтээн турар. Онон буолла-
ҕына, С.С.Васильев хоһоонноро мэлдьи эдэр, муударай, ис­
тин' буола турбуттар эбит.
Тэҥнэбил — айымньы киэргэлэ, суруйааччы олоҕу сыа-
налыыр тэрилэ. Бөлөһүөктэр уонна бэдэгиэктэр тэҥнэбилэ
суох саҥаны билии тохтуур, тэҥнэбилэ суох өй үлэтэ мөлтүүр,
сүрэх мастыйар дииллэр. Ол гынан баран бэйиэттэр уонна
суруйааччылар тылга тэҥнэбили үөскэтэр ньымаларын үөрэп-
пит Ю .И.Васильев саха тылыгар туттуллар тэҥниир ньыма-
лары барытын кэриэтэ туһанар эбит (тэҥнии, таһаарыы сы-
һыарыылаах, -лыы сыһыарыылаах; курдук, саҕа, тэҥэ
дьөһүөллэрдээх; уустук уонна судургу тутуллаах; быһаарыы,
сиһилии, кэпсиирэ суолталаах).
С.С.Васильев тэҥнэбиллэрин уус-уран өрүтүн туһунан
маннык түмүгү оҥоруохха сөи: бастатан туран, С.С.Васильев
өссө эрдэттэн кэлин И.М.Гоголев байыппытын курдук тэҥ-
нэбиллэри хоһулаан туттууну туһаммыт. Холобур:
Үлэһит киһи дьэ күн диэки хайыста,
Бухатыыр бэрдинии, эрдээхтик тутунна,
Төрөөбүт кыраайын ии курдук эргийдэ,
Сир-дойду үрдүгэр хаһаайын мин диэтэ.

65