Page 43 - Иван Мигалкин Аныыбын иһирэх иэйиибин

СА Х А М КЫРГЫТТАРА,
ЭЬ И Э Х ЭҔ Э

Сахам кыргыттара, эһиэхэҕэ,
Ис сүрэхпиттэн махтанабын,
Айылҕаттан айыллыбыт
Туйаарыма Куо ааккытыгар,
Кыталык үҥкүүтүн санатар
Тупсаҕай, ураты быһыыгытыгар,
Тугут курдук көрөр
Хап-хара ыраас хараххытыгар...
Сахам кыргыттара, эһиэхэҕэ,
Ис сүрэхпиттэн махтанабын,
Санааргыыр, санньыйар күннэрбэр
Алааһым чэбдик сарсыардатыныы
Күүс-көмө биэрэр аналгытыгар,
Ол да иһин көҥүллүк
Ыймахтыы испитим
Эһиги тыынар салгыҥҥытын...
Сахам кыргыттара, эһигини,
Олоҕу биллэҕим аайытын
Таптаатым, дууһабынан итэҕэйдим.
Эһиги баар буолаҥҥыт -
Олох тоҕус төгүл кэрэтийэр эбитин,
Эһиги нарын санааҕыт сүргэни -
Тоҕус төгүл үрдэтэрин,
Күүстээхтик таптаабыт сүрэҕи -
Таайтаран тоҕус төгүл күүрдэрин...
Сахам кыргыттара, эһигиттэн,
Дууһабынан кистээн ытаабытым,
Тыл алыптаах тунал өҥүнэн
Түүннэри, күнүстэри хоһуйбутум -
Эр киһи дьон ахсын
Биллэрбэт ытыктабылынан,
Ийэ диэн күндү аакка
Үйэлэргэ көмүһүнэн суруйан.

16.09.81. Соболоох.

42