Page 60 - Иван Мигалкин Аныыбын иһирэх иэйиибин
P. 60
е ^ с х ^ с ) е ./ ^ ч .9 о л т
эйигинниин кэпсэттэхпинэ
Эйигинниин кэпсэттэхпинэ -
арыы былыта суох
ыраас халлааҥҥа
чыычаахтар ырыаларынан уһуктар
сандал сааскыны саныыбын,
үрүҥ түүннээх сайыҥҥы хонуктар
үтүө да абылаҥнарыгар
сэмэйдик куустарбыт курдукпун.
Эйигинниин кэпсэттэхпинэ -
Кыһыҥҥы тымныы күнүм кылгыыр,
Кырыатын тэбэнэр түннүкпэр кэлэн
Алтан ыйын суолдьут оҥостон.
Эйигинниин кэпсэттэхпинэ -
тулам барыта сырдыыр,
чаҕыл күн сардаҥаларынан оонньоон
алгыс этэр сылаас тылларынан.
Эйигинниин кэпсэттэхпинэ -
хайдахтаах нарыннык таптыырбын
иэйии истиҥинэн
этиэхпин билбэппин...
1983 сыл.
58
