Page 234 - Өксөкүлээх Уола 2009 223стр

Любовь Аввакумова,
СР үөрэҕириитин туйгуна

Реас Алексеевичка биһиги 5-8 кылаастарга үөрэммиппит
(анатомияҕа уонна нуучча тылыгар). Нуучча литературатыгар
ханнык суруйааччы, поэт айымньытын кэпсиир да, кини био-
графиятын, айымнъы ис хоһоонун, геройдарын образтарын
050 өйүгэр-санаатыгар хаалар гьгаа хамсанан көрдөрө-көрдөрө
ойуулаан-дьүһүннээн, саҥардан сүрдээх интэриэһинэйдик,
кэпсиирин биһиги чуумпуран, айымньы ис хоһоонугар
бүтүннүү киирэн олорон, истэрбит, сороҕор ьггаһар да түгэм-
мит баар буолара. Хоһоону өйтөн ааҕарга бары интонация-
тын, дикциятын тутуһарга үөрэтэрэ, ирдиирэ. Айымньыга
сөп түбэһэн дьүһүннүүн-бодолуун уларыйар буолара. Ону
тэҥэ, оҕо уруогун үчүгэйдик биллэҕинэ, үөрэн-көтөн чэмэ-
лийэрэ, сирэйдиин-харахтыын сырдыыра, отгон сөбүлээбэ-
тэҕинэ, сирэйэҕэ-хараҕа эмиэ оннук уларыйар, аахпатах-бил-
бэтэх оҕо сиргэ тимириэн сирэ кытаанах буолар быһыылааҕа.
Биһиги үөрэнэр сылларбытыгар оскуолаҕа нуучча тылы-
гар нэдиэлэ ыытыллан, наар нууччалыы саҥарар-кэпсэтэр
буоларбыт. Ону таһынан, кинигэ ааҕыытын хонтуруоллуур
буолан, кинигэни элбэҕи ааҕар этибит.
Мин дьонум дэриэбинэттэн ыраах олорор буолан ыалга,
интернакка олорон үөрэммитим. Кыра кылааска үөрэнэр эр-
дэхпинэ аҕам, Аввакумов Яков Васильевич, сыарҕалаах аты-
нан чиэппэр саҕаланыыта дэриэбинэҕэ киллэрэрэ. Сарсыарда
4-5 чаастан айанныыр быһыьтлаахпыт. Онно Реас Алексее-
вичтаахха Мэтгкээйигэ тохтоон, чэйдээн баран, оскуолабар
барарым. Эбэлэрэ Татьяна Паповна ийэтэ уонна мин аҕам
ийэтэ бииргэ төрөөбүт буоланнар, аҕам хам-түм дэриэби-
нэҕэ кэллэҕинэ, сылдьара. Татьяна Паповна куруук үөрэ-
көтө чэйдэтэрэ, мап-маҥан курупчаакы килиэби сиэтэрэ
минньигэһин билиҥҥэ диэри умнубаппын. Дьиэлэрэ оччо-
лорго киэҥ-куоҥ, ып-ыраас буолара. Биир учуутал хамна-
һыгар иитиллэн олорор элбэх оҕолоох ыал диэтэххэ оҕолоро
уурбут-туппут курдук таҥастаах-саптаах этилэрэ.
Абаҕата оттуу-мастыы, сир астыы, бултуу-алтыы оҕолорун
илдьэ сылдьан, олох ымҥыгар-чымпыгар, айылҕаҕа тапталга
иитэр эбит диэн, сааһыран баран, сыаналыыбын. Ол да иһин,
оҕолор олоххо аналларын булуналларыгар эрдэтгэн акылааттүһэ-
рэн, бары эриэ-дэхси үөрэхтэнэн, олоххо дьоһуннаах идэҥи
ылан республика улуустарьгаан тарҕанан, үлэ үөһүгэр сылдьан,
үксүлэрэ оҕолонон сиэннэнэн быр-бааччы олороллор.
232