Page 236 - Өксөкүлээх Уола 2009 223стр

Данил Афанасьев,
СР тыатын хаһаайыстыбатын
үтүөлээх үлэһитэ
Мин Игидэй оскуолатыгар 1957—61 сылларга кыра кы-
лаастарга үөрэнэн баран, төрөппүттэрим Чычымахха көһөн,
Чычымах оскуолатыгар үөрэнэр буолбутум. Оччолорго сэттэ
кылаастаах оскуола этэ. Оскуолаҕа директорынан Ким Пан-
телеймонович Малышев, завуһунан Серафим Семенович
Протопопов үлэлииллэрэ.
Мин төрдүс кылааска үөрэнэрбэр кылааспыт салайааччьгга
Петр Гаврильевич Колотинскай этэ.
Оччолорго үөһэ кылаастарга Реас Алексеевич Кулаков-
скай, Владимир Куприянович Афанасьев, Георгий Романо-
вич Малышев, Аграфена Порфирьевна Малышева, Андрей
Павлович Егоров, Прокопий Харлампьевич Андросов уонна
начальнай кылааска Аграфена Степановна Миронова, Анас-
тасия Куприяновна Агщреева үлэлииллэрэ.
Реас Алексеевич биирдэ Тыатааҕы Күөл таһыгар тугу эрэ
одуулаһа турдаҕына, Ваня Афанасьевтыын ситэн ыллыбыт.
Мин Ванялыын табаарыстаһан, сарсыарда аайы кинилиин
оскуолаҕа бииргэ аргыстаһарбыт.
Биһиги ааһан эрдэхпитинэ Реас Алексеевич, тохтотон,
ыҥыран ылла «Көрүҥ эрэ, ити кэкэ-бука аһаары үөн көрдүү
хачыгырайа сылдьар. Көр эрэ, тиити өрө-таҥнары сыый-
даҕын», — диэн кэкэ-бука тииккэ сылдьарын ыйан көрдөрдө.
Күөл таһыттан оскуолаҕа диэри аргыстаһан, чугаһааты-
быт. Оскуола хатыйыы оҥоһуулаах олбуорун таһыгар баар
дириҥ аппаны, бу былыр Амма уута кэлэн, ити Чычымахха
халаан уутун хочоҕо ыыппыттара туоһу буолан сытар диэтэ.
Реас Алексеевиһы кытта аргыстаһан иһэммин санныгар
командирскай полевой суумканы иилинэ сылдьарын сэргии
көрбүппүн өйдүүбүн.
Эһиилги үөрэх дьылыгар бэһис кылааска үөрэниибэр би-
һиэхэ ботаника уруогун, алтыс кылааска уруһуй уруогун,
сэттис кылааска нуучча литературатын үөрэппитэ. Уруһуй
уруогар биһиэхэ сорудах биэрэн баран, худуоһунньуктар
олохторун, кинилэр хаартыскаларын ис хоһоонун, араас ин-
тэриэһинэй түбэлтэлэри бэрт кэрэхсэбиллээхтик кэпсиирэ.
Нуучча литературатын уруогар уруок тематын тас өттүнэн
Есенин, Блок хоһооннорун быһаара-быһаара ааҕарын сөҕө
истэрбит.
Хортуоппуй хостуу сылдьан, сынньалаҥ кэмигэр, оҕоло-
234