Page 235 - Өксөкүлээх Уола 2009 223стр

* * *
Людмила Христофорова,
СР доруобуйатын харыстабылын туйгуна,
муус устар, 2001 с., Ытык Күөл

Убаастыыр учууталбыт Реас Алексеевич туһунан кыратык
кэпсиим. Реас Алексеевич оскуолаҕа хайдах үөрэппитин ту-
һунан, бииргэ үөрэммит оҕолорум, суруйбутгара буолуо диэм-
мин дьиэтээҕи олоҕун туһунан бэрт кыратык сырдатыым. Үһүс
оҕолоро, Ривалыын бэлэмнэнии кылаастан бииргэ үөрэмми-
тим. Онон да буолуо ийэбинээн, Кривошапкина Пелагея Его-
ровналыын, биир Сиэллээх буолан дуу, ийэм өлбүтүн кэннэ
дьиэтигэр, сотору-сотору, илдьэн хоннорор этэ.
Дьиэ кэргэн олус улахана суох дьиэҕэ олороллоро, ийэ-
лэрэ, Татьяна Паповна үлэлээбэт этэ. 8 оҕону биир киһи
кыра хамнаһыгар иитэн-аһатан үлэһит дьон оҥортообуттара
да көрдөрөр — бу ыал түмсүүлээҕин, эйэлээҕин. Оҕолорун
кыра эрдэхтэриттэн үлэҕэ-хамнаска бииргэ илдьэ сылдьара.
Бары начаас баҕайы мас эрбээн, хайытан, саһааннаан кэби-
һэллэрэ. От оттооһуна, муус ылыыта, о.д.а. үлэлэргэ мэл-
дьи илдьэ сылдьара. Үлэ бүттэҕинэ, үөрүү-көтүү, күлсүү-
салсыы бөҕө буолара. Кэпсээн да кэмэ суоҕа. Булка-аска
уолаттарын эмиэ илдьэ барара.
Оҕолорун төрүт атаахтаппат этэ диэн сыаналыыбын. Кини
оҕоҕо таптала кыраттан кыраҕа түһэрэ билиҥҥэ диэри мии-
гин сөхтөрөр. Ис иһҥгтэн имэҥнээхтик ымманыйан тапты-
ырын өйдүүбүи. Олорор оҕону көрдөөн ылан тобугар олор-
дон сыллаан-сыллаан, кэпсэтэн-ипсэтэн баран ыытан кэби-
һэрэ. Кини курдук кыра оҕону итинник күүстээхтик таптыыр
аҕаны да, ийэни да көрө иликпин.
Оҕолорун хаһан да мөҥө-этэ сылдьыбат буолара. Мэник-
тээтэхтэринэ: «Оо, бу киһи сүрүн ньии», — диэтэҕинэ сөп
буолаллара.
Иллэҥ кэм кини кэпсээнэ, сэһэнэ, остуоруйата суох аас-
пат буолара. Көрдөөҕү-күлүүлээҕи булан кэпсиирэ.
Хаһан да дьиэҕэ кыыһыра сылдьыбат этэ.
Мин хоноһо буолан үлэҕэ тахсыбат этим. Инньэ гынан
Татьяна Паповналыын сылдьарым. Татьяна Паповна тэҥнээ-
ҕин курдук кэпсэтэн-ипсэтэн үгүс үчүгэйгэ үөрэппит эбит
диэн махталым улахан. Бу ыаллар оҕолоругар, сиэннэригэр,
хос сиэннэригэр байылыат олоҕу, үчүгэй доруобуйаны баҕа-
рабын.

233