Page 246 - Өксөкүлээх Уола 2009 223стр

УЧУУТАЛЫМ
Розалия Романовна Малышева,
2004 с.
Реас Алексеевич сэттас кылааһы бүтэрэрбитагэр кылаас
салайааччытынан үлэлээбитэ. Кылааһы уон түөрт буолан
бүтэрбиппит. Учууталбыт барыбьггыгар үчүгэйдик, болҕом-
толоохтук сыһыаннаһар этэ. Кини туһунан миэхэ үтүө-маа-
ны, куруук күлэ-үөрэ, үөрэтэ-такайа сылдьар учуутал диэн
өйдөбүл хаалбыт. Баҕар, буруйу оҥордоххо сэмэлиирэ эбитэ
буолуо.
Оскуолабыт 80 сыллаах үбүлүөйүгэр кэлэ сырыттаҕына кы-
лааһынан мустан биһиги дьиэбитигэр үөрэ-көтө кэпсэтэн, ос-
куолатааҕы сылларбытын санаһан ааспыппыт. Онно учуугалбыт
Реас Алексеевич эмиэ кэлэ сылдьыбыта. Тэнтгэ күлэн-үөрэн,
оонньоон, истиҥник кэпсэтэн, ахтыһан тарҕаспыппыт.
Кини бултуурун олус сөбүлүүрэ, дьиннээх айылҕа киһи-
тэ эбит этэ. Саас аайы Хатырыктаахха киирэн, дурда оҥос-
тон, кус бөҕөнү өлөрөрө. Күһүн куобахтыыра. Оҕолорун айыл-
ҕаҕа сырытьпшарара.
Убайдарым Георгий, Николай Малышевтар Реас Алексее-
вичтыын өр сылларга бииргэ үлэлээбиттэрэ, кинини учуу-
тал да, киһи да быһыытынан үчүгэйдик сыаналыыллара.

* * *
Мария Бочонина (Канаева),
2004 с.

1953 с. Охотскай Перевозтан көһөн кэлбиппит. Чычымах
сэтгэ кылаастаах оскуолатыгар иккис кылааска үөрэнэ киир-
битам. Учууталым Мария Николаевна Охлопкова этэ. Реас
Алексеевичка бэһистэн сэттас кылааска диэри үөрэммитам.
Олус үчүгэйдик, киһиэхэ өйдөнүмтүө гына үөрэтэрэ. Хи-
мия уруогар араас уопуттары оҥорорбут, дьээбэлээн: «Би-
лигин эстиэ», — диэтэҕинэ, паарта анныгар саһарбыт. Би-
һигини сэттас кылааска үөрэнэ сырыттахпытына Амма унуор
Сымыыт хайаҕа таһаарар этэ. Онно араас остуоруйалары ис-
тэрбит, ордук «Дэриэтинҥьик Мааппаны» кэпсээтэҕинэ, кут-
танан ахан биэрэрбит. Уһун переменаҕа таһырдьа тахсан лап-
талыыр, былаах былдьаһар этибит, барытыгар Реас Алексее-
вич тэҥҥэ сүүрэрэ. Уруогар олус эппиэтанэстээх этэ, кы-
лаас иһэ уу-чуумпу буолара.

244