Page 251 - Өксөкүлээх Уола 2009 223стр

тэллэрин умсугуйан, ылларан туран истэрбит. Оччолорго
учуутал үксэ эр дьон буолара. Үөрэх чааһын кэнниттэн ки-
нилэр ырыаҕа, физкультураҕа, спорка, айылҕаҕа, коллективнай
үлэҕэ, музыкаҕа, үҥкүүгэ үөрэтэллэрэ.
Реас Алексеевич биһиэхэ кылаас салайааччыта буолан эл-
бэхтик бииргэ сылдьара. Олоҕун уустук кэмин туһунан кэп-
сээбэт этэ да, улахан уолаттары кытта эр киһилии тэҥҥэ
кэпсэтэрэ. Уопсайынан, оскуолаҕа кылааһын оҕолорун сити-
һиитин улахан уолаттарга кэпсээн, санаатын үллэстэн, ас-
тынар быһыылаах этэ диэн кэлин саныыбын.
Физикаҕа наһаа өйдөнүмтүөтүк кэпсиирин олох умну-
баппын: бастакы паровой массыыналары, электрическэй стан-
циялары, Попов радиотын уонна да элбэҕи саҥаны аан бас-
таан билбиппит. Уруок кэмигэр хаһан да мөҕүллүбэт курдук
саныыбын, уруогу киһи өйдүүр гына ыытарын билигин
сөҕөбүн.
Реас Алексеевич аҕатын туһунан кэпсээбэт этэ. Биирдэ
оҕолор ыйыталаспыттарыгар буойбута. Ону биһиги муодар-
ҕаабыппыт эрэ. Ол гынан баран, биирдэ аҕагын туһунан
кэпсээн испитэ. Онно истибитим, Учай диэн сир биһиэхэ
Аммаҕа баарын. Онно балаҕан баарын уонна туохтаах эрэ
сэргэ баар диэбитэ. Кэлин транспорт булан бара сылдьыбы-
тым. Балаҕан киэҥ, үчүгэй көрүҥнээх этэ, таһыгар туора
сэргэ турара, наһаа суона уонна үрдүгэ суох этэ.
Оскуолаҕа бары общественнай үлэни ыытарбытын Реас
Алексеевичпыт кылаас салайааччыта сүрүннээн ыытар этэ.
Биирдэ: «Доо, хайа комсомолга киирэр кэмиҥ кэллэ», —
диэн, бэлэмнэнэргэ этэн, улахан эксээмэҥҥэ долгуйан ту-
ран бэлэмнэммиппит.
Реас Алексеевич кулуупка пьесаҕа оонньуурун олус диэн
итэҕэйэн, кутганан көрөрбүт, оо, хараҕа көрдөҕө дириҥин, уот-
тааҕын, саҥата лоҥкунатан бу ырааһын ылыннарыылааҕын,
хайдах эрэ барьгга итэҕэтиилээх уонна суолгалаах буолара.
Оччолорго бастакы балалайка, гитара, мандолина, гармошка
инструменнарга оонньооһуну, бастакы парнай үҥкүүгэ үөрэ-
тиини барытын кылааспыт кыргытгара Рая Кулаковская, Вера
Попова, Фекла, Настя сүрүннээн ыыталлара. Үөрэммэтда
киһини ыган-быган, үөрэтэллэрэ.
Реас Алексеевич ыһыахтарга атах оонньуутугар кылыйан
кылбаҥнатара, ыстанан кыыралдьытара. Оо, онно үөрэрин-
көтөрүн! Оччотооҕуга саас ортолоох Степан Данилович Со-
фронов, Наум Ефимович Малышев, Семен Васильевич На-
лыйахов, биллэн туран, биһиги учууталбыт, онтон да атыт-
тар, киэҥ хонууга бөдөҥ муус маҥан сылгылары киллэрэн
249