Page 249 - Өксөкүлээх Уола 2009 223стр

таҕыста. Бастаан иһээччи олус чэпчэкитик уурталаан иһэр.
Сотору-сотору кэннин хайыһан дьонун көрөр. Көрөөччүлэр:
«Оо, учуутал Кулаковскай Реас бастаан иһэр, букатын хол-
ку», — дэстилэр. Биэтэккэ күрэхтэһээччилэрин сүүрбэччэ
метр куотан кэллэ. Мин кинини ити бастакы көрүүм этэ.
1948 сыллаахха Чымнаайы начальнай оскуолатын бүтэр-
бит оҕолор Чычымахха бэһис кылааска үөрэнэ кэллибит.
Дириэктэринэн үтүөкэннээх учуутал Николай Романович
Малышев үлэлиир этэ. Кини саха тылын үөрэппитэ. Учуутал-
ларбыт бары да бэйэлэрин идэлэрин баһылаабыт, киэҥ би-
лиилээх, үрдүк культуралаах, оҕолорго үчүгэй сыһыаннаах
этилэр. Кулаковскай Реас Алексеевич нуучча тылын уонна
литературатын үөрэтэрэ, Антоев Гаврил Иванович — кон-
ституцияны, Афанасьев Владимир Куприянович — история-
ны, Васильева Вера Артемьевна — биологияны, Малышев
Георгий Романович — математиканы, Охлопков Михаил
Константинович — географияны, Татаринов Михаил Васи-
льевич — физкультураны үөрэтэллэрэ.
Реас Алексеевич үчүгэй, улахан талааннаах учуутал этэ.
Биһигини 1948—1951 сылларга нуучча тылыгар уонна лите-
ратуратыгар үөрэгиштэ. Кини ортону үрдүнэн уҥуохтаах,
өлгөм хара баттаҕын өрө тарааммыт, киэҥ арылхай харахтаах,
нууччалыы ыраас хааннаах этэ. Куруук күлэ-үөрэ сылдьара,
оҕолору, улахан да дьону кытта бэрт эйэҕэстик, астыктык
кэпсэтэрэ. Ис-иһиттэн дириҥ культуралааҕа, куруук ыраас-
тыктаҥнара. Боростуой да таҥас киниэхэ олус барара. Сэр-
гэхтик тугган кылааска киирэн кэлэрэ.
Реас Алексеевич нууччалыы үчүгзйдик саҥарара. Куолаһа,
дикцията дьикти үчүгэй буолан, хоһоону, кэпсээни киһи
истэ олоруох курдук ааҕара. Биһиги киниэхэ наһаа ымсыы-
рарбыт. Оччотооҕуга учебник аҕыйах этэ. Кыһаллан үөрэтэ-
рэ. Ордук словарнай үлэҕэ болҕомтотун уурара, тылбыт сап-
пааһа аҕыйаҕа бэрт буоллаҕа дии. Үрдүк ирдэбиллээх буо-
лан, уруокпутун ааҕа сатыырбыт, дьиэ үлэтин толорорбут.
Кини үөрэтэр предмегигэр Васильева Соня, Щукин Ваня,
Попов Афоня үчүгэйдик үөрэнэллэрэ.
Реас Алексеевич үчүгэй куоластаах ырыаһыт этэ. Антоев
Гаврил Ивановичтыын бырааһынньыктарга оҕолору бэлэм-
нээн ыллаталлара, хору бэлэмнииллэрэ. Кини сыанаттан
түспэт артыыс, пьесаларга сүрүн оруолларга оонньуура. Күкүр
Уус оруолун чаҕылхайдык толорор этэ.
Аны спорт туһунан. Сарсыарда аайы уруок иннигэр кэ-
лэн, оскуолаҕа физзарядка оҥорор, турникка элбэхтик тар-
дынар этэ. Оҕолор сөҕөр этилэр. Ол иһин куруук чэбдиктик
247