Page 35 - Өксөкүлээх Уола 2009 223стр

«Тарабукину Василию Архиповичу:
Баһылаай,
Барҕа баһыыба
Бары үтүөҕэр!
Баар-суох оҕобун
Баппаҕайгар туттарабын.
Барбахтык тутумаар.
Баарым курдук санаар.
Барбатарбын дьоммор,
Баҕар хаһан эмэ...
«Баҕа иигэ далайга
Баһаам эмтээх» дииллэр...
Баҕарабын эйиэхэ
Бары үтүөнү,
Баһаам элбэх кэпсээни.
Реас».
Реас Алексеевич ити анабылыгар киһи киһиэхэ истиҥ
сыһыанын, үтүө санаатын кэрэһэлиир тыллар бааллар. Оло-
ҕо уһаатаҕына өссө да бар дьонугар саҥа айымньылары су-
руйар санаалааҕа өтө көстөр.
1993 сыл. Таатгаҕа Платон Алексеевич Ойуунускайга анал-
лаах үбүлүөйүнэй ыһыах ыытыллыахтааҕа. Бу кэрэ-бэлиэ сүүс
сылы атаарыыга элбэх үлэ ыытыллыбыта. Онно анаан-минээн
Рсас Алексеевич үлэлии олордохпуна тиийэн кэлбитэ уонна син
балачча 01 |у-ма1 ил кэпсэппиппит, онтон олоро түһэн баран:
«Баһылаай, быйыл дойдубутугар Ойуунускай төрөөбүтэ сүүс
сылыгар аналлаах ыһыах тэриллэр дии. Ол иһин мин кустуу
таарьгйа, сынньана дойдубар өйүүн көтөбүн», — диэбитэ.
Онуоха мин тута сөрөөн:
«Оо, Реас, абыраммыт киһигин, көҥүл кустуоҥ, дойдуҥ
салгынынан дуоһуйа тыыныаҥ буоллаҕа», — диэн тыл
ыһыгынным.
«Кэбис, инньэ диэмэ. Сааһыран пенсияҕа тахсан көҥүл
сырьптаҕым дии. Үлэ баар киһиэхэ өйөбүлэ, дьон-сэргэ сэ-
1 юэриитэ», — диэбититтэн бэйэбиттэн соннъуйа санаабытым.
«Кырдьык оннук ээ», — диэн сыыһа саҥарбыппын көн-
норүммүтэ буолбутум.
«Хата, ыһыахха Урсуннуун тахсаарыҥ эрэ. Биирдэ эмэ
сыта-тура кэпсэтиэ, сынньаныа этибит. Хайаан да тахсаа-
рыҥ, күүтүөм», — диэн баран, илиитин биэрэн быраһаай-
даһан тахсан барбыта. Ити Реас Алексеевиһы тиһэх көрсү-
һүүм буоларын хантан билиэхпиний? Ити күн Урсуҥҥа сыл-
дьан эмиэ ыҥырбыт этэ.

31