Page 110 - Оло5у таптаа Реас К

билиҥҥи ыччат үлэҕэ да кэппэт налапааскыта. Оттон
оччолорго күндү сон этэ.
— Никон, ыалга баран кэлиэхпин соҥҥун уларыс
эрэ,— диибин. Уларыста. Мин ханна барыахпын бэйэм
да билбэппин. Киэбирэ соҕус туттаммын, Октябрьскай
уулусса устун киэптээн, Саха театрыттан иҥинним.
Онтон өй булан, Алампаҕа ыстанным. Баар эбит.
Соммунан киэн туттубуттуу устубакка эрэ мөлбөччү
олордум. Кэпсэппэхтээтибит. Алампа кэпсэтиини
уларытан:
— Бу бэйэҥ суккуунуҥ дуо? — диэн ыйытта. Мин
«киһи киэнэ» диэхпин хайдах да тылым тахсыбата,
бүтэҥи баҕайытык:
— Ыых,— диэн киҥинэйэн кэбистим.
— Бэрт баҕайы сонноох эбиккин дии. Сүөһүлээх-
хин дуо?
— Баар.
— Хаһый, туох сүөһүлэрий?—эбэн ыйытар. Мин
ону эрэ ыйытыа буоллаҕа диэбэккэ олорои, соһуччу
түбэстим. Кырдьыга, төһө сүөһүлээхпин билбэт тойоос-
кубун. Дьонум бары өлбүттэрин кэннэ, үс сыллааҕыта
куоракка сылдьаммын дойдубар Күүрэй Чуккуойап
диэн киһиэхэ. эһиги ылан сүөһүлээҥ диэн көрдөһөн
суруйбутум. Ол айыыта онон. Сайын аайы тахса сы-
рыттахпына, ол барахсан дьахтарынаан Настаайа-
лыын сүрдээх үчүгэйдик көрсөөхтүүллэр. Биир сайын:
«Саамай бастыҥ ынахпыт саланабын диэн халтары-
йан өттүгүн тосту түстэ. Хаарыан ынахпыт! Муҥ саа-
тар, аны күһүн эт тоҥоругар тиийдэр»,—дии-диилэр
муҥатыһаллар. Бэйэлэрин ынахтара осхордоппутунаа-
ҕар ордук айманаахтыыллар. Ол ынаҕы күһүп өлөрөн
куоракка миэхэ ыытаахтаабыттара. Кыһыны быһа
бэрт эти сиэн абыраммыппын билиҥҥэ диэри махта-
108