Page 58 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

Холкуостар ыам ыйын 5-6 күннэригэр сиик саптарыытыгар
турбуттара, 15-16 күннэригэр ыһыы иннинээҕи үлэлэргэ киир-
биттэрэ уонна 24-25 күннэригэр ыһыы маассабай үлэтин
бүтэрбиттэрэ, онон сир сиигин куоттарбакка, үрдүк хаачысты-
балаахтык ыспыттара.
Ити сыл туорахтаах култуура 6805 гектарга ыһыллыбы-
та, былаан 110,6% туолбута. Холкуостар, БСК(б)П КК 1943
сыллаах муус устар 13 күнүнээҕи уурааҕын толороннор, сир
оҥоһуутугар, хонуу үлэтигэр урут тахсыбыт алҕастары сааскы
ыһыы үлэтигэр салгыы көннөрбүттэрэ. Ол түмүгэр, холобур
оройуон уопсай ыһыытыгар ньэһимиэн ыһыыта 1940 сылла-
ахха 14,5% эбит буоллаҕына, 1944 сыллаахха 42% тиийбитэ.
Ити барыта үчүгэй түмүктэрдээх буолбута. Холкуостар хас би-
ирдии гектартан ортотунан 5,7 центнер үүнүүнү хомуйбуттара.
Оройуон массыына-тракторнай станцията сэрии маҥнай-
гы сылларыгар аһара куһаҕаннык үлэлээбитэ Кини трактор-
най үлэ былаанын 1940 сыллаахха 90,52%, 1941 сыллаахха
83,53%, 1942 сыллаахха 61,12% уонна 1943 сыллаахха 43,95%
эрэ толорбута. Ол иһин БСК(б)П райокму МТС салалтатын
бөҕөргөтөр, механизаторскай кадрдары бэлэмниир дьаһалла-
ры ылбыта. 1943 сыл бүтүүтүгэр БСК(б)П райкома МТС ди-
ректорынан таб. П.И. Колодезниковы ыыппыта. Ити дьаһал-
лар бастакы түмүктэрэ өссө 1944 сыллаахха көстүбүттэрэ.
МТС 1944 сыллаах сааскы ыһыы былаанын 131,9% толорбута,
ити сыллааҕы былаанын 23% ылбыта. Сааскы ыһыы былаа­
нын Хаҥа бригадата (бригадир таб. Неустроев Г.Ф.) 157, Хоро
бригадата (бригадир таб. Ноговицын А.Ф.) 127% толорору
ситиспиттэрэ. П. Докторов, В. Заровняев, Е. Протопопова, Н.
Данилова онтон да атын трактористар нуормаларын аһара то-
лорбуттара.
ССРС сирин Нарком А.Андреев 1944 сыллаах ахсынньы
30 күнүнээҕи бирикээһинэн, 1943-44 сылларга былааны толор-
бут, тракторын үчүгэй туруктаахтык туппут, СХТЗ тракторга
үлэлээбит В.П. Давыдов 2500 солк. 1944 сыллаах былаанын
толорбут, тракторын үчүгэйдик туппут, гусеничнай тракторга
үлэлээбит В.С. Заровняев 1650 солк, 1944 сыллаах нуорматын
толорбут, комбайнын үчүгэйдик туппут, комбайнер А.И. Ан­
дросова 1500 солк харчынан, директор П.И. Колодезников,
механик В.Ф. Землянскай биирдии ыйдаах хамнастарынан би-
риэмийэлэммиттэрэ.
50