Page 85 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

дигирдэр үлэни икки врачебнай учаастактүммүтэ.
Оройуоннай врачебнай учаастак 1 балыыһаны, 4 фельд-
шерскай-акушерскай, 1 акушерскай, 1 трахоматознай пуун-
нары түмэн туран 18 нэһилиэккэ эмтиир-чэбдигирдэр үлэ-
ни ыыппыта. Бу врачебнай учаастак ордук сэрии кэнники
сылларыгар эмтииг чэбдигирдэр үлэни күүһүрпүтэ, амбула-
торнай көрүү ахсаанын элбэппитэ, стационарнай эмтээһин
былаанын толорор буолбута. Холобур, 1945 сыллаахха ста­
ционарнай эмтээһин былаанын (толорор буолбут) оройуонна
балыыһа 103,1%, Танда медпууна 133,3%, Түүлээх медпууна
108,4%, толорбуттара уо.д.а.
Дүпсүннээҕи врачебнай учаастак 1 балыыһаны, 2 холку-
оһунай родильнай дьиэни түмэн 7 нэһилиэги хаппыта. Бу
учаастак балыыһата стационарнай эмтээһин былаанын 1944
сыллаахха 115,5%, 1945 сыллаахха - 116% толорбута.
Сэллик ыарыылары кытта охсуһууну сэллик оройуоннай
диспансера салайбыта. Диспансер салалтатынан 1944-45
сылларга сэллигинэн ыалдьааччылары чинчийии ыытыллы-
быта. Онуоха 54 холкуоска 6903 киһи хабыллыбыта, онтон
1116 киһи сэллигинэн ыалдьаллара быһаарыллыбыта.
Ордук сэрии кэнники сылларыгар сэллик ыарыылары
кытта охсуһууга, чуолаан тыҥа сэллигинэн ыалдьааччылары
эмтээһиҥҥэ кыһамньы күүһүрбүтэ. Тубдиспансер 25 куойка-
лаах балыыһата стационарнай эмтээһин былаанын холобур,
1945 сыллаахха 100,8% толорбута. Нэһилиэнньэ олоҕун-
дьаһаҕын ырааһырдар иһин ити сылларга санитарнай месяч-
никтар ыытыллыбыттара. Итинник месячниктар бириэмэлэ-
ригэр 54 холкуостар баанньыктаах буолуулара, сорох ыаллар
дьукаахтаһыыларын араарыы ситиһиллибитэ. Сүөһүтэ суох
холкуостаахтарга ордук сэллигинэн ыалдьааччыларга соҕо-
тох 1945 сыллаахха эмп тэрилтэлэригэр 639 ыанар ынах бэ-
риллибитэ. Эмиэ ити сыллаахха эмп тэрилтэлэригэр, оҕо уч-
реждениеларыгар, сэллигинэн ыалдьааччыларга, оһоҕостоох
дьахталларга анаан госпоставкаттан 77860 кг үүт бэрилли-
битэ, итини таһынан кинилэргэ ый аайы үрүҥ бурдук көҥүл-
лэммитэ.
Нэһилиэнньэ трахоманан ыалдьыытын чинчийии эмиэ
77