Page 80 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

оҕолор тыа хаһаайыстыбаннай үлэлэр техникаларын үөрэп-
питтэрэ, бастыҥ уопуттары кытта билсибиттэрэ, тыа хаһаа-
йыстыбаннай массыыналарын ыытарга үөрэммиттэрэ. Ол
оҕолор, учууталлар холкуос производстватын билэргэ интэ-
риэстэрин көтөхпүтэ, старшай кылаастар оҕолоро трактор,
комбайн курдук уустук массыыналары кытта билсиһэллэрин
хааччыйбыта, кинилэргэ практическай навыктары иҥэрбитэ,
оскуола үөрэтэр-иитэр үлэтин тыа хаһаайыстыбатын прак-
тикатыгар чугаһаппыта.
Учууталлар, оҕолор сэрии бастакы сылыгар тыа хаһа-
айыстыбатын үлэтигэр маассабайдык кыттыбытгара, 1941
сыллаах сайын, холобур, 786 оҕолор, 34 учууталлар тыа
хаһаайыстыбатын сайыҥҥы үлэлэригэр, от уонна бурдук
хомууругар үлэлээбиттэрэ. Оскуолалар 1941 сыллаах күһүн
сынньалаҥ күннэргэ холкуостарга 1606 үлэ күнүн үлэлээн
8,4 туонна оту оттообуттара, 17,6 гектар сиригэр бурдук
хомуйбуттара. 25,6 туонна былаҕы быспыттара. Ол гынан
баран оҕолор сэрии бастакы сылларыгар холкуостарга үлэ-
лээһиннэрэ тэриллиитэ суоҕа, педагогическай салалта мөл-
төҕө, оҕолор саастара кыайан учуоттамматаҕа уо.д.а.
Итинник итэҕэс кэнники сылларга көннөрүллүбүтэ.
Оҕолор үлэлэрэ туох ханнык иннинэ тэриллиилээх буолбута.
Холкуостар аайы школьнай бригадалар, этэрээттэр тэрилли-
биттэрэ, олору учууталлар салайбыттара.
1943 сыллаах сайын от үлэтигэр оскуола оҕолоро ордук
үчүгэй тэриллиилээхтик үлэлээбиттэрэ. 1 Лөгөй Ленина аа-
тынан холкуоска 10 оҕолоох школьнай этэрээт (салайааччы
учуутал Н.В. Ушницкая) атырдьах ыйын бастакы күннэригэр
64 гектар сирин муспута. 13 саастаах Костя Копырин 48 гек­
тары муспута. Ити курдук Г. Борисов, И. Копырин үчүгэйдик
үлэлээбиттэрэ. Комсомолец Н.Н. Тарскай салайааччылаах 17
оҕолоох Маркс аатынан холкуостааҕы школьнай этэрээт 44
гектар сирин оттообута, Г. Татаринов 90 гектар сирин, ба-
стыҥ күнүгэр 4 гектар сирин машинанан оҕустарбыта.
Оскуола оҕолоро бурдук хомууругар эмиэ үчүгэйдик үл-
элээбиттэрэ, бааһынаҕа тохтубут куолаһы хомуйар звенола-
ры тэрийбиттэрэ. Маркс аатынан холкуоска 12 оҕолоох зве-
72