Page 230 - Былыр этэ диэххэ

бииргэ сылдьыбыттарын ким да кэпсээбитэ суох. Онон бэйэ-бэ-
йэлэригэр мэһэйдэһэн эрдэхтэрэ. Мин Дьооскуну буларбар Соко
суох этэ. Тарбаммат диэн кыраҕа кыһаллыбат хараҥа киһи диэн
ааттаммыт үһү.
Өлө итирик оҕонньору эмээхсинэ «мытыылка» өйүөлээн оту-
гар үүрэрэ. Итирик аҕатын кыра уола өйөөн-убаан биэрэккэ
киллэрэн тыыга олордоот, ийэтин ыйааҕынан, үөскэ анньан кэ-
биһэрэ. Бачча хараҥаҕа итирик оҕонньор ууга түһээрэй диэтэххэ:
аллараа абааһы өлүө суоҕа, хаһан тиийиэр диэри өйдөнөө ини
диэн эмээхсинэ этиппэтэ. Тыынан эргийэ бардахха көстөн ор-
дук сири хайдах тиийиэн сөбүй диэн сарсыныгар уу мотуорунан
бардахпына, оҕонньорум балаакка иһигэр буһуу бөҕөнү буһан
утуйа сытарыгар тиийэбин. Сороҕор аара сиэн иһигэр Ашаан ба-
лааккатыгар тыыта тиксэн турарын көрөн үргүлдьү ааһааччыбын.
Ашаан силэ бырдаҥалыы-бырдаҥалыы туга да суох кэлбиккин
диэн мааттыырыттан куттанан чугаһаспаппын. Олбоҕо кубус-ку-
раанах, эрдии да уутун таммалаппат гына айаннаан кэлбититтэн
саллааччыбын. Киһи өлүө диэн сэрэхэдийэн кэллэҕэ диэн хайа-
лара да куойаларыгар-маҥкыларыгар оҕустарааччылара суох. Ол
курдук сиргэ өлбөккө дьиэҕэ сытан өлбүтэ. Өлүөр диэри оронун
атаҕар олорон илим таҥара. Кэлиҥҥи илимин бүтэрбэккэ барбы-
та. Сир тоҥо илигинэ өлөр буолуохтаахпын диирэ. Өлөр киэһэти-
гэр кусчуттар Балаҕан Ойоҕос устун тутан биир билбэт хара ыттара
иһэрин хараҕын уотуттан сык гыммыттар. Хара ойуун сытар сирин
көрө, бэрэбиэркэлии сырыттаҕа...

52