Page 24 - Былыр этэ диэххэ

турдум да күөрэс гыммыты ытыалаан куһуй. Биэс саа ботуруо-
на бүппүтүн кэннэ кустарым үөстээҕи кустары батыһан көтөн
бара турдулар. Оччо элбэх кустан сыччах уонча эрэ куһу хаал-
ларбыппын. Үксэ атыыраттар. Үөр кус атыыраттарга иккистээн
эргийбэккэ бардахтара кыһыыта. Акаарытыйбыппын кэлин эрэ
өйдөөбүтүм. Хата ол дьаабыбын биир да киһи көрбөтөҕө үчүгэй.
Ол курдук бэйэм бэйэбэр булкуллабын. Сөп буолуо диэн тохтоон
аһыы, утуйа бараҕын. Биирдэ икки таллан куоҕас кэлбитин ох-
тортоотум. Тойонум кэлэн сэмэлээтэ. Бачча кус элбэҕэр куоҕаһы
бултаабаттар эбит.
Баанньа биирдэ сыа тумустар диэн мин көрбөтөх кустарбын
өлөрбүт этэ. Эмис үчүгэй кустар ахсааннарыгар киирсэллэр эбит.
Андрей көҕөттөр түспүттэрин бултаабыт. Хоту, дэҥ, куһу батыһан
кэлэр. Дойду куһа диэн ааттанар эбит.Үөрдээн кэлэр кустартан
умсаахтар, ханайдар да араастара элбэх эбит. Кутан, тыйаах,
көҕүллээх умсаах, алтан харах, үрүҥ харах, муора ханайа. Бир-
гинэх үс арааһа. Ураанайы кытта бултаан турабыт. Үөскэ олорор
киһибит Баанньа эбит, улахан сааһыппыт. Бастаан киирэн ыта
түһэр. Онтон тохтоон хаалар. Арааһа, «өйүөлээх» киирэн эбинэн
утуйар быһыылаах. Дьэһээккэтин тула түспүт кустар кэтэһэ са-
таан тэйдэр-тэйэн, көтөн хаалааччылар.
Уҥуоргуттан ыалым Федя тыынан кэлэн тиксэр идэлэннэ.
Иккиэн ыстаансыйа дьоно, бэйэ дэмнэрин билсибит дьон диэх
курдук. Сотору сааларын тыаһа хойуннаҕына миигин да сэргэх-
ситэллэр. Өр буолбаттар, ирээппит бүттэ диэбиттии, «сынньа-
наллар». Киһитэ барара кэллэҕинэ уһуктан эмиэ тиҥийэллэр.
Онтон биһиги киһибит салгыы үүтээнигэр тахсар. Күрэхтэспит
санаабар, миигиттэн итэҕэһи бултааччыта суох. Ахсыс хонукпут
туола охсубут. Балтараабыт аны мин ыта түһүөм диэн, төрдүөн
биир дьэһээркэҕэ олордубут. Мин илиим бааһа соллурҕаан, кус
ылааччынан тылланным. Кус син биир кэлбитин курдук кэлэр.
Харыал быыһа сапсаахайдаан куһу аймыыр гына дэлэйдэҕинэ
эрэ хамыйтараллар. Хаптай да хаптай — сүгүн куспун ыллаттар-
бат да айдаана. Сороҕор атыыр анды баатырҕаан тыыгын кэлэн
тоҥсуйар. Бэлэм куһу ууттан хомуйар да сылаалаах эбит. Кэлин
сүрэҕэлдьээн биэрэккэ тыыбын кэннинэн астаран, хамаанда кэл-
лэҕинэ киирэрдии тахсыбакка олоробун. Миигиттэн иҥиннэр-
бэккэ кэлэллэрин курдук кэлэллэр. Ол курдук киэһэлээх сар-
22