Page 21 - Былыр этэ диэххэ

бахха охтон түһэр адьынаттаах акка ньылбы сытыйда. Сэрэмээт
быа-туһах туһата суох уунна. Онон эргэ, быата-туһаҕа уунуутун
сиппит ыҥыыры буллулар. Сарсыныгар эбиэт эрэ иннинэ айаҥ-
ҥа туруннубут. Хаҥыл аттаах киһи ындыыта-тойо суох, сулумах
айаҥҥа хоҥуннум. Саабын-малбын үллэстэн ындыыланнылар.
Мин куул быһаҕаһа эбиэс төргүүлээхпин. Бэһиэбит. Бааса дьахта-
рын быраата Ефимов Баанньа-Дурак Баанньа диэн ыстаансыйаҕа
үлэлиир, эмиэ аҕатын курдук кыра киһи. Эмиэ Ефимов Баанньа
диэн бу дойдуттан төрүттээх ПМК-ҕа үлэлиир киһи, төгүрүччү
аймах, Сунтаартан төрүттээх табаарыһын кытта бааллар. Атта-
ныахпыт инниттэн дьонум иһиилээх быһыылаахтара. Мин хаҥыл
аттаах киһи дьонум иннилэригэр-кэннилэригэр түһэн, аппын
иннин ылардыы харса суох хамнатабын. Бөһүөлэктэн тахсарга
уһун быһыыны быһа түһэн, мууһунан көрө сытар күөлгэ киир-
дибит. Аппын арыый да айаҕын хайыта тыытан мууска киллэрэн
дьигиһиттим. Мууска киллэрдэххэ хайа да бэйэлээх ат мөҕөрө
аматыйар диэн Килгиэрэй сүбэлээбитэ. Дьэ ол курдук улахан
эрэйэ суох тосхолбут тубуста. Дьонум аттарын сынньата таарыйа
сири-уоту «аһаталлар». Биир үүтээннээх улахан сиргэ биһиги
иннибитинэ кустуур миэстэлэрин булуммут дьоҥҥо кэлэн, кус
суруогун арыйыытын бэлиэтээтибит. Уһаан-кэҥээн киэһэлик
айаммытын салҕаатыбыт. Тутуубут киһитэ тылыттан маппытыт-
тан сылыктаатахха, улаханнатта. Сымнаҕас акка түбэһэн этэҥҥэ
иҥнэн олорор. Сарсыарданан буоллаҕа буолуо, кустуур сирбити-
гэр кэллибит. Күн эргис сылдьар сааскы киирбэт күннээх дой-
дута. Күөл кырыытын диэки баар от күрүөтүн тула аттарбытын
сыгынньахтаат, бастакынан Күөлбүтүн өҥөйөн көрдүбүт. Дьэ
дуо, тымныы салгынынан алгыйар, уҥуоргутун харах ылбат Улуу
Эбэ эбит. Аарааҥҥы күөлэттэртэн чыҥха атын тыыннаах. Мууһа
балай эмэ бараммыт. Уутун кыйа, эргиччи быһыылаах, сыһыы-
лаах. Ханнык эрэ билбэт кустарым оҕолор күргүөмүнэн ытаһан
эрэллэрин курдук айманаллар. Ээмиллэ диэн муора кустара саҥа
түһэн айманаллар үһү. Дьэ, бэрт. Аһаан-сиэн наҕылыччы, уос-
куйбуттарын кэннэ киириэхпит диэн дьонум бөҕөхтөр. Сунтаар
уола хаһыс да сылын кустаһар эбит. Онон миигиннээҕэр билэрэ-
көрөрө таһыччы. Бу кустуу кэлбит күөлбүт кэнники сылларга
лаппа уута түспүт, субан сүөһүнү сайылатар Муора Күөлэ диэн
ааттаах сир эбит. Ол аата мин кыстаан олорор ыалым аҕалара
19