Page 23 - Былыр этэ диэххэ

олоруохтаах. Дурагы мантан инньэ Баанньа диэн ааттыам. Мии-
гиттэн үөскэ — «уста сылдьар аал» диэн буочукалары холбуу сы-
бааркалаабыттарын үрдүгэр оҥоһуулаах дьэһээккэни сөргүтэн,
муус диэки сыҕарытан олоруохтаах. Кэлэ-бара бултаабыт куспун
кини ууттан таһаарыахтаах. Киһибит мин аппын көтөллөнөн, үс
сүүсчэкэ куһу илдьэ бөһүөлэктээтэ. Хаһан эргиллэн кэлиэр диэ­
ри үс сааһыт икки акка сөп куһу бултаан тоһуйабыт. Ол иһин
тойоммут аттарын уларытта-уларытта, көтөллөөх төттөрү төннөн
иһэр. Бөһүөлэктэн саа сэбэ, өйүө, арыгы таһар. Миэхэ эрэн-
нэрбит киһитэ дьэһээркэҕэ олорсор былаана суох, арыгыттан
атыҥҥа аралдьыйбат, саатар ас да астаан аһаппат күн көлдьүн
киһитэ түбэстэ. Толору таҥастаах, хас да хос имиитэ суох таба
тэллэхтэр күн сырдыгын көрбөккө куулдьуйан аҕырбыт, арыгы
көймөстүбүт ыар сыттара холбоһон үүтээммит сыта дьаабы. Ан­
дрей үүтээҥҥэ кэллэр эрэ табаарыһын оҕолоһор. Тойоно атаах-
таан ханньаҥныырын тулуйара сүрэ. Баанньаны кытта манна
эрэ кэлэн көрсүспүтүм. Иһиитигэр эбии оччо саҥата суох киһи
быһыылаах. Барарааппыт үүтээн харабыла эрэ үлэлээх, иһэ-иһэ
сытар. Дьонум тугу да сэмэлээн саҥарбаттар. Эгэ мин онно кии-
рэн биэриэм дуо. Иһим тоттоҕуна дьэһээккэбэр баран утуйар
идэлэнним. Харабылбыт биирдэ аара от күрүөтүгэр тиийэн ох-
тубута. Онтон ордук ырааппакка сытыганныыр. Бэйэм бэйэбэр
хаалбыт киһи таах сытар тыыны соло булларбын эрэ талкыйан
кус ыларга үөрэнним. Аптамааттарынан бастаан ытабын. Алыс
сыма кэлбит куһу аптамаатынан сэриилээн быһыта тэптэртии-
бин, сороҕор табан туттахпына ыраатан эрдэхтэринэ охтортуубун.
Онон ааһан эрдэхтэринэ батыһыннара ытарга үөрэнним. Аан
бастаан дэлэйдик күөрэтэн ыта үөрэнэн эрэбин. Сэмэлиир киһи
суоҕа, бэйэм бэйэбэр булкуллабын... Аталааһаппыт Спутник диэн
саата эбит, алыс уохтаах. Сотору эрбэхпин быһа астарбытым, иһэ
сатаан баран быһа барда. Тарбахпын дэҥнээбиппиттэн эт этим
дьигиҥнии сылдьар турукка киирдим. Онон сыыһа туттуу дэлэй-
дэ. Абытайыттан истэкилээҥкэлээх ууга тарбахпын уган олоро-
бун. Кус быыстала суох кэлэр да кэлэр. Биирдэ Баанньаҕа түспүт
кустар мин диэки чугаһаан кэлэн эрдэхтэринэ, бирээмэ халлааны
хайа суруйар балысхан тыал дуу, холорук дуу түспүтүн курдук
буолаатын, алта уонча үөрдээх анды охсуспутунан мин харыалым
иһигэр түһүнэн кэбистилэр да бары умсан хааллылар. Мин ойон
21